សន្តិសុខសង្គម
បង្ហាញមុខជនសង្ស័យប៉ុនប៉ងឃាតកម្ម និងប្លន់ ចំនួន ៤ នាក់ នៅស្នងការដ្ឋានរាជធានីភ្នំពេញ
ជនសង្ស័យចំនួន ៤ នាក់ ក្នុងនោះ មានម្នាក់ ពាក់ព័ន្ធប៉ុនប៉ងឃាតកម្មគិតទុកជាមុន (ប្រើពូថៅកាប់ បណ្ដាលឲ្យរងរបួសធ្ងន់) ក្នុងខណ្ឌដង្កោ និង ៣ នាក់ ទៀត ប្រើកាំបិតបុ័ងតោកាប់ប្លន់យកម៉ូតូ។
កាលពីព្រឹកថ្ងៃទី ១១ ខែធ្នូ ឆ្នាំ ២០២៤ នេះ ស្នងការដ្ឋាននគរបាលរាជធានីភ្នំពេញ បានធ្វើសន្និសីទកាសែតបង្ហាញមុខជនសង្ស័យទាំង ៤ នាក់ ជាសាធារណៈផងដែរ។
លោកឧត្ដមសេនីយ៍ត្រី ប៊ុន សត្យា ស្នងការរងនគរបាលរាជធានីភ្នំពេញទទួលផែននគរបាលព្រហ្មទណ្ឌ បានឲ្យដឹងថា ដោយមានបទបញ្ជាពី លោក ស ថេត អគ្គស្នងការនគរបាលជាតិ និងលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាផែនព្រហ្មទណ្ឌដឹកនាំកម្លាំងនគរបាលការិយាល័យព្រហ្មទណ្ឌកម្រិតស្រាល និងនគរបាលការិយាល័យព្រហ្មទណ្ឌកម្រិតធ្ងន់ ព្រមទាំងនគរបាលអធិការដ្ឋានខណ្ឌដង្កោ និងអធិការដ្ឋាននគរបាលខណ្ឌព្រែកព្នៅ បានស្រាវជ្រាវឃាត់ខ្លួនជនសង្ស័យជាបន្តបន្ទាប់។
លោកឧត្ដមសេនីយ៍ត្រី បន្តទៀតថា ជនសង្ស័យចំនួន ៤ នាក់ ពាក់ព័ន្ធប្រព្រឹត្តិបទល្មើសចំនួន ២ ករណី ដោយករណីទី១.ប៉ុនប៉ងឃាតកម្មគិតទុកជាមុន (ប្រើពូថៅកាប់ បណ្តាលឲ្យរងរបួសធ្ងន់) ប្រព្រឹត្តនៅចំណុចមុខសាលាសុវណ្ណភូមិ ផ្លូវបេតុង ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ កាលពីវេលាម៉ោង ១៦ និង ៣៥ នាទី ថ្ងៃទី ៦ ខែវិច្ឆិកា ឆ្នាំ ២០២៤។ ជនសង្ស័យ ឈ្មោះ អ៊ុត ឆេងហ៊ត ភេទប្រុស ឆ្នាំកំណើត ១៩៨៨ ជនជាតិខ្មែរ មុខរបរនៅផ្ទះ មានទីលំនៅផ្ទះគ្មានលេខ ផ្លូវលេខ ២១ ភូមិថ្នល់បំបែក ឃុំទឹកវិល ស្រុកស្អាង ខេត្តកណ្តាល ត្រូវបានកម្លាំងនគរបាល នៃស្នងការនគរបាលរាជធានីភ្នំពេញ សហការជាមួយនគរបាលខណ្ឌដង្កោ ស្រាវជ្រាវ ហើយឈានទៅសហការឃាត់ខ្លួនជនសង្ស័យ កាលពីល្ងាចថ្ងៃទី ៩ ខែធ្នូ ឆ្នាំ ២០២៤ នៅចំណុចការដ្ឋានសំណង់ ក្រុងបាវិត ខេត្តស្វាយរៀង។
លោកឧត្ដមសេនីយ៍ត្រី ប៊ុន សត្យា បន្ថែមថា ករណីទី២.អំពើលួចមានស្ថានទម្ងន់ទោស ដោយសារការប្រព្រឹត្តអំពើហិង្សា(យកកាំបិតបុ័ងតោកាប់ជនរងគ្រោះដាច់រយះកំភួនដៃឆ្វេងរងរបួសដេរចំនួន ៧ ផ្ទេរ ប្លន់យកម៉ូតូម៉ាកស៊ុយហ្ស៊ូគីនិច ពណ៌ទឹកក្រូច ស៊េរីឆ្នាំ ២០១៩ ពាក់ផ្លាកលេខ ព្រះវិហារ ១០-៣៤១៩) ប្រព្រឹត្តនៅចំណុចលើផ្លូវលេខ ២០១១ ភូមិគោករកា សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីរសៀលថ្ងៃទី ៦ ខែធ្នូ ឆ្នាំ ២០២៤។
បន្ទាប់ពីមានករណីប្លន់ នគរបាលខណ្ឌព្រែកព្នៅ ក៏បានធ្វើការស្រាវជ្រាវ ហើយឈានទៅឃាត់ខ្លួនបានជនសង្ស័យចំនួន ៣ នាក់ កាលពីថ្ងៃទី ៨ ខែធ្នូ ឆ្នាំ ២០២៤ ចំណុចផ្លូវលំ ភូមិជំរៅ សង្កាត់គោករកា ខណ្ឌព្រែកព្នៅ រាជធានីភ្នំពេញ ព្រមទាំងដកហូតវត្ថុតាងរួមមាន ម៉ូតូធ្វើសកម្មភាព ១ គ្រឿង និងកាំបិតបុ័ងតោ ១ ដើម។
លោកឧត្ដមសេនីយ៍បានឲ្យដឹងទៀតថា កន្លងមក បន្ទាប់ពីកើតហេតុ សមត្ថកិច្ចមិនទុកចោលនោះទេ តែងតែធ្វើការស្រាវជ្រាវ រហូតឈានទៅបង្ក្រាបបានជនសង្ស័យបានជាបន្តបន្ទាប់ដូចជាករណីប៉ុនប៉ងឃាតកម្មខាងលើនេះជាដើម សមត្ថកិច្ចបានស្រាវជ្រាវរយៈពេលជាង ១ ខែ ហើយ ឈានទៅសហការជាមួយនគរបាលខេត្តស្វាយរៀង និងក្រុងបាវិត ឃាត់ខ្លួនបានជនសង្ស័យដែលគេចទៅសម្ងំលាក់ខ្លួន៕
អត្ថបទ ៖ រដ្ឋា
នគរបាលនាយកដ្ឋានប្រឆាំងបទល្មើសសេដ្ឋកិច្ច ចុះដកហូតទឹកឃ្មុំក្លែងបន្លំប្រភពដើមប្រមាណជិត ២០តោន
កម្ពុជាមានក្រុមហ៊ុនវិនិយោគអាជីវកម្មរ៉ែមាស ១១ ក្រុមហ៊ុន ប្រតិបត្តិការនៅ ៦ ខេត្ត ទូទាំងប្រទេស
លោក តាន់ អ៊ីឈីតាន់ ចុះប្រគល់រង្វាន់ ១០០លានរៀល ដោយផ្ទាល់ដល់អ្នកមានសំណាងនៅស្រុកកំចាយមារ ខេត្តព្រៃវែង
កសិករម្នាក់ ដាំដំណាំមួយប្រភេទនៅក្នុងស្រុកទឹកឈូ ដែលផ្លែវា១គីឡូក្រាមអាចលក់តម្លៃបានជាង១ពាន់ដុល្លាអាមេរិក
អ្នកធ្លាប់ប្រើ ប.ស.ស.ថា គ្មានការកំណត់ចំនួនដងដូចការប្រឌិតព័ត៌មានឡើយ
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១៤ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត