សន្តិសុខសង្គម

នគរបាលព្រហ្មទណ្ឌ បង្ក្រាបករណីប្លន់ជនបរទេសយកទ្រព្យសម្បត្តិ នៅក្រុងព្រះសីហនុ ឃាត់ជនដៃដល់ ០៦ នាក់ ជាបន្តបន្ទាប់

បានផុស

៣ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

ដោយអនុវត្តតាមបទបញ្ជា លោកឧត្ដមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយ លោកឧត្ដមសេនីយ៍ត្រី ហ៊ុន មុន្នីរ័ត្ន, លោកវរសេនីយ៍ឯក ហែម បូណា និងលោកវរសេនីយ៍ឯក ឆាន់ គីមលី អនុប្រធាននាយកដ្ឋាន ដឹកនាំសហការជាមួយកម្លាំងជំនាញរបស់ស្នងការដ្ឋាននគរបាលខេត្តព្រះសីហនុ , ខេត្តបាត់ដំបង និងខេត្តស្វាយរៀង ធ្វើការស្រាវជ្រាវតាមនីតិវិធី និងជំនាញ រហូតកំណត់បានអត្តសញ្ញាណ និងទីតាំងលាក់ខ្លួនក្រុមជនសង្ស័យ រហូតឃាត់បានជាបន្តបន្ទាប់ចំនួន ០៦ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលនាយកដ្ឋានព្រហ្មទណ្ឌ បានឱ្យដឹងថា កាលពីថ្ងៃទី ២០ ខែវិច្ឆិកា ឆ្នាំ ២០២៤ វេលាម៉ោង ០០ និង ០០ នាទី ឈានចូលថ្ងៃទី ២១ ស្ថិតក្នុងភូមិ ០៦ សង្កាត់លេខ ០៤ ក្រុង/ខេត្តព្រះសីហនុ មានជនមិនស្គាល់អត្តសញ្ញាណ បានធ្វើសកម្មភាពហិង្សាដោយប្រើកាំបិតចុងស្រួច និងឧបករណ៍ឆក់ វាយយកទ្រព្យសម្បត្តិពីជនរងគ្រោះឈ្មោះ MOHMMA ABU TAHER ភេទប្រុស ជនជាតិបង់ក្លាដេស បណ្ដាលឱ្យរងរបួស។

បន្ទាប់ពីធ្វើសកម្មភាពរួច ក្រុមជនសង្ស័យខាងលើ បានជិះរថយន្ត ០១ គ្រឿង ម៉ាក PRUIS គេចខ្លួនពីកន្លែងកើតហេតុ។ ចំពោះសម្ភារៈបាត់បង់រួមមាន ៖ ទូរស័ព្ទចំនួន ០២ គ្រឿង, ប្រាក់ចំនួន ៧៥០ ដុល្លារ និងកាតមួយចំនួន។

នគរបាលបានឱ្យដឹងទៀតថា លុះនៅថ្ងៃទី ០៩ ខែធ្នូ ឆ្នាំ ២០២៤ វេលាម៉ោង ១៧ និង ០៥ នាទី កម្លាំងជំនាញ បានបន្តដឹកនាំសហការ ដោយធ្វើការឃាត់ខ្លួនបានជនសង្ស័យជាបន្តបន្ទាប់ចំនួន ០៦ នាក់ រួមមាន ៖ ទី១.ឈ្មោះ ញ៉ឹក ពៅវេហា ឃាត់ខ្លួនត្រង់ចំណុចភូមិកំពង់ទូក ឃុំមានជ័យ ស្រុកសំឡូត ខេត្តបាត់ដំបង។ ទី២.ឈ្មោះ ជៀង មករា អាយុ ៣២ ឆ្នាំ ឃាត់ខ្លួនត្រង់ចំណុចសង្កាត់កំបូល ខណ្ឌកំបូល រាជធានីភ្នំពេញ។ ទី៣.ឈ្មោះ នី ណា ហៅ MMO ឃាត់ខ្លួនត្រង់ចំណុចឃុំជាំសង្កែ ស្រុកបរសេដ្ឋ ខេត្តកំពង់ស្ពឺ។ ទី៤.ឈ្មោះ អ៊ូ រីម ឃាត់ខ្លួនត្រង់ចំណុចសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ទី៥.ឈ្មោះ ស វាសនា។ ទី៦.ឈ្មោះ ស៊ុន រ៉ាធិ ឃាត់ខ្លួនត្រង់ចំណុចសង្កាត់បាវិត ក្រុងបាវិត ខេត្តស្វាយរៀង។