សន្តិសុខសង្គម

ឃាត់ខ្លួនជនសង្ស័យម្នាក់ ចំណោមបក្ខពួក ០៣ នាក់ ករណីលួចម៉ូតូ នៅក្រុងតាខ្មៅ

បានផុស

២ ម៉ោង មុន

នៅ

ថ្ងៃអង្គារ ១៧ ធ្នូ ២០២៤

ដោយ

អ៊ិន ពិសី

ឃាត់ខ្លួនជនសង្ស័យម្នាក់ ជាស្ត្រី ទាំងកណ្ដាលថ្ងៃត្រង់ ក្រោយធ្វើសកម្មភាពលួចម៉ូតូសង់ឌ្រីម ០១ គ្រឿង បានសម្រេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១២ ថ្ងៃត្រង់ ថ្ងៃទី ១៦ ខែធ្នូ ឆ្នាំ ២០២៤ តាមបណ្ដោយផ្លូវលេខ ២១០ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្ដាល។

តាមប្រភពព័ត៌មានពីម្ចាស់ម៉ូតូបានឲ្យដឹងថា មុនពេលកើតហេតុ គាត់បានជិះម៉ូតូចតទុកនៅខាងមុខហាងលក់កាមេរ៉ាសុវត្ថិភាព តាមបណ្ដោយផ្លូវលេខ ២១០ ដោយភ្លេចដកកូនសោម៉ូតូ។ លុះមកដល់វេលាកើតហេតុខាងលើ ស្រាប់តែមានជនសង្ស័យ ០៣ នាក់ ប្រុស ០២ នាក់ ស្រី ០១ នាក់ ជិះម៉ូតូ ០១ គ្រឿង ម៉ាកសង់ ពណ៌ខ្មៅ មកឈប់ខាងមុខហាង ហើយជនសង្ស័យម្នាក់ ជាស្ត្រី បានចុះទៅលួចម៉ូតូជនរងគ្រោះជិះចេញទៅ។ ពេលនោះជនរងគ្រោះបានចេញមកទាន់ ហើយស្រែកថា ចោរៗ។ ភ្លាមៗ នោះ ក៏ផ្អើលដល់ប្រជាពលរដ្ឋ ព្រមទាំងសមត្ថកិច្ចក្រុងតាខ្មៅ កំពុងល្បាតក្នុងមូលដ្ឋាន បានជិះដេញតាមរហូតដល់ស្តុបផ្លូវលេខ ១១០ ទើបឃាត់បានជនសង្ស័យម្នាក់ ជាស្ត្រី ចំណែកជនសង្ស័យ ០២ នាក់ទៀត ជិះរត់គេចខ្លួនបាត់ស្រមោល។