ពលរដ្ឋក្នុងមូលដ្ឋានសង្កាត់ភ្លេីងឆេះរទេះទទួលបានផ្លូវបេតុងឆ្អឹងដែក២ខ្សែ និងប្រព័ន្ធលូថ្មីពីអាជ្ញាធរ

ដោយមេីលឃេីញពីទុក្ខលំបាកក្នុងការរស់នៅ​ និងធ្វេីដំណេីរដេីម្បីប្រកបរបរផ្សេងៗរបស់ប្រជាពលរដ្ឋ​ អាជ្ញាធរសង្កាត់ភ្លើងឆេះរទេះ បានដាក់គ្រឿងចក្រឈូសឆាយ​កាយដាក់ប្រព័ន្ធលូថ្មី​ សម្រួលចរន្តទឹកហូរ​ និងចាក់ផ្លូវបេតុងឆ្អឹងដែកដើម្បីសម្រួលដល់ការធ្វើដំណើររបស់ពលរដ្ឋ។

លោក សុិន វុទ្ធី ចៅសង្កាត់ភ្លេីងឆេះរទេះបានឱ្យដឹងថា​ ដោយមើលឃើញផ្លូវចំនួន២ខ្សែ​ ដែលស្ថិតនៅភូមិភ្លើងឆេះរទេះលិច​ រងនូវការខូចខាតដោយសារជំនន់ទឹកភ្លៀងនារដូវវស្សាកន្លងមក ធ្វើឲ្យមានជង្ហុក​សំបុកមាត់ច្រើន​ ពិបាកដល់ប្រជាពលរដ្ឋធ្វេីដំណេីរ ក៏ដូចជាការប្រកបរបរប្រចាំថ្ងៃ ទេីបលោក​ដាក់គ្រឿងចក្រឈូសឆាយសម្រួល និងកាយដីដាក់ប្រព័ន្ធលូថ្មី​ និងចាក់ផ្លូវបេតុងឆ្អឹងដែក​ជៀសវាងការជន់លិចបន្តទៀតនារដូវរស្សាខាងមុខ។

លោកចៅសង្កាត់បានបន្តទៀតថា​ ផ្លូវដែលស្ថាបនាជាផ្លូវបេតុងឆ្អឹងដែក ​និងដាក់ប្រព័ន្ធលូថ្មី​ខាងលេីចំនួន២ខ្សែ​នេះ ស្ថិតនៅភូមិភ្លេីងឆេះរទេះលិច​ សង្កាត់ភ្លេីងឆេះរទេះ​ ខណ្ឌកំបូល​​ ដោយខ្សែទី១​ មានទទឹង ៥ម៉ែត្រ បណ្តាយ ១០២ម៉ែត្រ។ និងខ្សែទី២ មានទទឹង ៥ម៉ែត្រ បណ្តាយ ១៣០ម៉ែត្រ សរុបទាំង២ខ្សែ មានទទឹង៥ ម៉ែត្រ បណ្តាយ ២៣២ម៉ែត្រ។

លោកបានបន្តទៀតថា​ ការស្ថាបនាផ្លូវលំប្រែក្លាយជាផ្លូវបេតុងឆ្អឹងដែកខាងលេីពេលនេះ ស្ថាបនាជិតរួចរាល់ហេីយតែមិនទាន់ដាក់ឱ្យធ្វេីដំណេីរមួយរយភាគរយទេ ដោយសារបេតុងមិនទាន់រឹងល្អ​។ ជាមួយគ្នានេះដែរ អាជ្ញាធរ​ក៏សំណូមពរដល់ប្រជាពលរដ្ឋទាំងអស់ក្នុងមូលដ្ឋានមេត្តាជួយថែរក្សា​ ទុកដាក់សំរាម និងវិចខ្ចប់ឲ្យបានត្រឹមត្រូវ​ ជៀសវាងបោះចោលគ្មានសណ្តាប់ធ្នាប់​ បង្កផលប៉ះពាល់ដល់បរិស្ថាន​ ហេីរចូលប្រព័ន្ធលូ​បង្កការកកស្ទះចរន្តទឹក​៕

អត្ថបទ៖​ សុខា