សន្តិសុខសង្គម

ក្មេងទំនើង៣នាក់ដែលដេញកាប់គ្នានៅតាកែវ ត្រូវសមត្ថកិច្ចឃាត់ខ្លួនបានហើយ ខណៈបក្ខពួកផ្សេងទៀតបន្ដស្រាវជ្រាវ

បានផុស

៣ ខែ មុន

នៅ

ថ្ងៃចន្ទ ២៣ ធ្នូ ២០២៤

ដោយ

ភ្នំពេញ ៖ កម្លាំងនាយកដ្ឋាននគរបាលព្រហ្មទណ្ឌ ដឹកនាំសហការបង្ក្រាបករណីកាប់ប្រហារនៅស្រុកបាទី ខេត្តតាកែវ ស្រាវជ្រាវចាប់ខ្លួនក្មេងទំនើង៣នាក់ ខណៈបក្ខពួកផ្សេងទៀតបន្ដស្រាវជ្រាវ ក្រោយពីបានធ្វើសកម្មភាព ប្រើកាំបិតកាប់លើជនរងគ្រោះ ចំនួន៣នាក់ ២នាក់រងរបួសស្រាលនឹងធ្ងន់ធ្ងរ១នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដែលហេតុការណ៍នេះ កើតឡើងនៅវេលាម៉ោង២និង៥៦នាទីអធ្រាត្រ ថ្ងៃទី២២ ខែធ្នូ ឆ្នាំ២០២៤ វេលា នៅចំណុចមុខរោងចក្រ CHC ភូមិប្រហែក ឃុំសុភី ស្រុកបាទី ខេត្តតាកែវ។

នគរបាលបានឱ្យដឹងថា ក្រោយមានហេតុការណ៍កើតឡើង ដោយអនុវត្តតាមបទបញ្ជារបស់ លោក ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញនាយកដ្ឋានព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានដឹកនាំសហការជាមួយស្នងការដ្ឋាននគរបាលខេត្តតាកែវ បានកំណត់អត្តសញ្ញាណជនសង្ស័យ និងកន្លែងលាក់ខ្លួន ឈានទៅដល់ការឃាត់ខ្លួនជនសង្ស័យចំនួន៣នាក់ ទី១មាន ឈ្មោះ ដៀប សុភ័ក្រ្ត អាយុ១៧ឆ្នាំ រស់នៅភូមិទួលត្បែង ឃុំព្រៃវិហារ ស្រុកគងពិសី ខេត្តកំពង់ស្ពឺ ,ទី២ឈ្មោះ តក់ វ៉ាន់ថេត ភេទប្រុស អាយុ១៧ឆ្នាំ ស្នាក់នៅភូមិថ្មស ឃុំលំពង់ ស្រុកបាទី ខេត្តតាកែវ និង ទី៣,ឈ្មោះ ងាំ តូ ភេទប្រុស អាយុ១៨ឆ្នាំ ស្នាកនៅភូមិពានមាសខាងកើត ឃុំលំពង់ ស្រុកបាទី ខេត្តតាកែវ (ឃាត់ខ្លួននៅចំណុចស្រុកបាទី ខេត្តតាកែវ)។

ក្រោយឃាត់ខ្លួន ពួកគេបានសារភាពថា នៅថ្ងៃកើតហេតុ ពួកខ្លួន និងបក្ខពួកចំនួន៨នាក់ បានជិះម៉ូតូចំនួន ៧គ្រឿង ហើយបានយកកាំបិតកាប់ទៅលើជនរងគ្រោះពិតប្រាកដមែននៅចំណុចមុខរោងចក្រ CHC ភូមិប្រហែក ឃុំសុភី ស្រុកបាទី ខេត្តតាកែវ ( ឈ្មោះទី ឈ្មោះហេង និងឈ្មោះខ្លែត) គឺជាអ្នកកាន់កាំបិតចូលទៅកាប់លើជនរងគ្រោះ។

ជនសង្ស័យទាំង៣នាក់ នាយកដ្ឋាននគរបាលព្រហ្មទណ្ឌ បានប្រគល់ឱ្យស្នងការដ្ឋាននគរបាលខេត្តតាកែវ បន្តនីតិវិធី និងបន្តស្វែងរកចាប់ខ្លួនបក្ខពួកដែលសេសសល់បន្ត៕

ដោយ ៖ សំណាង