ក្រសួងមហាផ្ទៃ សម្រេចដកហូតមុខតំណែងអធិការ​នគរបាលស្រុកដំណាក់ចង្អើរ ឲ្យមកជាមន្ត្រីធម្មតា

លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចដកហូតមុខតំណែងលោកវរសេនីយ៍ទោ ស៊ូ ចាយ អធិការនគរបាលស្រុកដំណាក់ចង្អើរ ខេត្តកែប ឱ្យមកជាមន្ត្រីនគរបាលធម្មតា។ នេះបើតាមសេចក្ដីប្រកាសរបស់ក្រសួងមហាផ្ទៃ កាលពីថ្ងៃទី២៧ ខែវិច្ឆិកា ឆ្នាំ២០២៤កន្លងទៅ។

តាមរយៈសេចក្ដីប្រកាស ការដកហូតមុខតំណែងពីលោកវរសេនីយ៍ទោ ស៊ូ ចាយ អត្តលេខ ៥៦២០១ អធិការនគរបាលស្រុកដំណាក់ចង្អើរ នៃស្នងការដ្ឋាននគេរបាលខេត្តកែប ដោយមូលហេតុល្មើសបទវិន័យកងកម្លាំងនគរបាលជាតិកម្ពុជា។

ការសម្រេចដកហូតមុខតំណែងលោកអធិការ ស៊ូ ចាយ ធ្វើឡើងក្រោយមានបណ្តឹងពីប្រជាពលរដ្ឋពាក់ព័ន្ធការប្រើអំណាចគំរាមកំហែងប្រជាពលរដ្ឋ។ លោកអធិការ ក៏ធ្លាប់មានរឿងអាស្រូវជាច្រើនទៀត លើការប្រើតួនាទីភារកិច្ចផ្ទុយនឹងច្បាប់វិន័យរបស់កងកម្លាំងនគរបាលជាតិ៕

អត្ថបទ៖ សឹង រ៉ាត់