ចៅសង្កាត់ភ្លេីងឆេះរទេះណែនាំឲ្យនគរបាលប៉ុស្ដិ៍ និងប្រជាការពារចេញល្បាតក្នុងភូមិសាស្ដ្រស្មុកស្មាញដើម្បីបង្ក្រាបបទល្មើស និងក្មេងទំនើង

លោក សុិន វុទ្ធី ចៅសង្កាត់ និងជាប្រធានគណ:បញ្ជាការឯកភាពរដ្ឋបាលសង្កាត់​ភ្លើងឆេះរទេះបានណែនាំឲ្យកម្លាំងនគរបាលប៉ុស្ដិ៍ និងកម្លាំងប្រជាការពារទាំង៨ភូមិ​ ត្រូវសហការគ្នាចេញល្បាតនៅតាមតំបន់ស្មុកស្មាញ​ ងាយរងគ្រោះ​ ដើម្បីទប់ស្កាត់បទល្មេីសផ្សេង​ៗ​ ដូចជា​ លួចឆក់​ ប្លន់​ ជាពិសេសក្រុមក្មេងទំនេីង​។

ការណែនាំនេះបានធ្វើឡើងនៅក្នុងកិច្ចប្រជុំស្តីពីការងារសន្តិសុខសណ្តាប់ធ្នាប់ និងបរិស្ថាន​ អនាម័យក្នុងមូលដ្ឋានភូមិទាំង៨ កាលពីព្រឹកថ្ងៃទី២៥ ខែធ្នូ ឆ្នាំ២០២៤ នៅសាលាសង្កាត់។

ក្រៅពីវិធានការណ៍បង្ការទប់ស្កាត់បទល្មើស និងក្រុមក្មេងទំនើង លោកចៅសង្កាត់ក៏បានណែនាំឲ្យមន្ត្រីមូលដ្ឋានត្រូវពង្រឹងការយកចិត្តទុកដាក់ការងារបរិស្ថាន​ អនាម័យ ត្រូវចូលរួមសហការសម្អាតបរិស្ថាន ទុកដាក់សំរាមបានត្រឹមត្រូវ និងត្រូវណែនាំប្រជាពលរដ្ឋ វេចខ្ចប់សំរាមឲ្យបានស្អាតយកមកដាក់ក្នុងធុងសំរាម ងាយស្រួលក្រុមការងារឡានសំរាមចុះប្រមូល​តាមមូលដ្ឋានភូមិនីមួយៗ។

ក្នុងនាមអាជ្ញាធរ​ លោក សុិន វុទ្ធី ចៅសង្កាត់ភ្លើងឆេះរទេះ បានសំណូមពរដល់ប្រជាពលរដ្ឋទាំងអស់នៅក្នុងមូលដ្ឋានសូមចូលរួមសហការក្នុងការសម្អាតបរិស្ថាន​ អនាម័យ​ ចៀសវាងបោះចោលពាសវាលពាសកាលបង្កផលប៉ះពាល់ដល់​ បរិស្ថាន​ ហេីយក៏អរគុណដល់ពលរដ្ឋមួយចំនួនដែលបានចូលរួមសហការបានយ៉ាងល្អ៕

អត្ថបទ៖ សុខា