ឆ្នាំ២០២៤ ខេត្តក្រចេះមាន​គ្រោះអគ្គិភ័យ ៣០ ករណី ខូចខាតទ្រព្យសម្បត្តិ​ជាង ១៦ ម៉ឺន​ដុល្លារ

អ្នកនាំពាក្យនៃស្នងការដ្ឋាននគរបាលខេត្តក្រចេះ លោក ហន ប៉ូច បានឲ្យកម្ពុជាថ្មីដឹងថា នៅក្នុងឆ្នាំ២០២៤ ខេត្តក្រចេះ មានគ្រោះអគ្គិភ័យកើតឡើងចំនួន ៣០ លើក បើប្រៀបនឹងឆ្នាំ២០២៣ កើនឡើងចំនួន ០១លើក បណ្តាលឲ្យមនុស្ស ០១នាក់ ស្លាប់​ ភេទប្រុស ជាជនពិការ។

គ្រោះអគ្គិភ័យដែលកើតឡើងក្នុងឆ្នាំ ២០២៤ ក្នុងនោះ៖ ក្រុងក្រចេះ មានចំនួន ០២លើក, ស្រុកចិត្របុរី ចំនួន ០៥លើក, នៅស្រុកឆ្លូង ចំនួន ០៤លើក, ស្រុកព្រែកប្រសព្វ ចំនួន ០៣លើក, ស្រុកសំបូរ ចំនួន ០៥លើក, ស្រុកស្នួល ចំនួន ០៦លើក និងស្រុកអូរគ្រៀងសែនជ័យ ចំនួន ០៥លើក និងបណ្តាលឲ្យមនុស្សស្លាប់ ០១នាក់ ភេទប្រុស ជាជនពិការ។

ករណីអគ្គិភ័យនេះ បានឆាបឆេះផ្ទះអស់ចំនួន ២៩ ខ្នង, សាឡុំ ០១ ខ្នង, ឡដុតធ្យូងអនាម័យ ០១ ឡ, ធ្យូងអនាម័យ ៣,៥០០ គីឡូក្រាម, ឆេះចំការអំពៅ ២៥០ហិចតា, ឆេះរថយន្ត ០៤គ្រឿង, ម៉ូតូ ០៣គ្រឿង, កង់ ០១គ្រឿង, និងបាន​ឆេះ​សម្ភារអស់ជាច្រេីនទៀត ដោយគិតជាទឹកប្រាក់សរុបប្រមាណជា ១៦៩,៨០០ដុល្លារ (ដប់ប្រាំមួយម៉ឺន ប្រាំបួនពាន់ ប្រាំ​បី​រយ​ដុល្លារ)។

អត្ថបទ៖ ប្រុញ វិធិន