អាវុធហត្ថស្រុកអង្គរបូរី ឃាត់ខ្លួនជនសង្ស័យគ្រឿង​ញៀនប្រុស​ ស្រី​ ៧នាក់ អនុវត្តនីតិវីធីច្បាប់

ជនសង្ស័យពាក់ព័ន្ធករណីគ្រឿងញៀនខុសច្បាប់ចំនួន ៧នាក់ ត្រូវបានកម្លាំងកងរាជអាវុធហត្ថស្រុកអង្គរបូរី​ខែត្តតាកែវ ចាប់ឃាត់ខ្លួនចាត់ការតាមនីតិវិធី កាលពីថ្ងៃទី១៤ ខែមករា ឆ្នាំ២០២៥​។

ក្រោមបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងសម្របសម្រួលនីតិវិធីដោយលោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ​ នៅវេលាម៉ោង១៣និង០០នាទី ថ្ងៃទី១៤ ខែមករា ឆ្នាំ២០២៥ កម្លាំងមូលដ្ឋានកងរាជអាវុធហត្ថស្រុកអង្គរបូរី បានចុះបង្រ្កាបករណីប្រើប្រាស់គ្រឿងញៀនខុសច្បាប់នៅចំណុច វត្តចាស់ ហៅ(វត្តតាជី)ស្ថិតក្នុងភូមិព្រៃបាសឹង្ហ ឃុំបាស្រែ ស្រុកអង្គរបូរី ខេត្តតាកែវ។​

ក្នុងប្រតិបត្តិការឃាត់ខ្លួន កម្លាំងអាវុធហត្ថបានដកហូតវត្ថុតាងរួមមាន​ ម៉ូតូចំនួន២គ្រឿង ម៉ាកឌ្រីមសេ១២៥ ពណ៌ខ្មៅ ពាក់ស្លាកលេខ ភ្នំពេញ1CR 6170 និងម៉ាកនិច ពណ៌សលាយខៀវ ពាក់ស្លាកលេខ ភ្នំពេញ1HN 4794​ ទូរស័ព្ទចំនួន៥គ្រឿង​ ពូថៅចំនួន១​ និងសម្ភារៈប្រើប្រាស់គ្រឿងញៀនមួយចំនួន។ ជនសង្ស័យទាំង៧នាក់ត្រូវបានបញ្ជូនទៅការិយាល័យជំនាញទីបញ្ជាការដ្ឋានកងរាជអាវុធហត្ថខេត្ត កសាងសំណុំរឿងទៅអយ្យការអមសាលាដំបូងខេត្តតាកែវ ចាត់ការតាមនីតិវិធី៕

​អត្ថបទ៖ វីរៈ