សន្តិសុខសង្គម

ទុស្សេខ្សែភ្លើងឆេះផ្ទះជាន់ទី ០២ ខូចខាតសម្ភារៈមួយចំនួនធំ នៅខណ្ឌបឹងកេងកង

បានផុស

៥ ថ្ងៃ មុន

នៅ

ថ្ងៃពុធ ២២ មករា ២០២៥

ដោយ

អគ្គិភ័យបានលេបត្របាក់ផ្ទះប្រជាពលរដ្ឋនៅជាន់ទី ០២ ស្ទើរទាំងស្រុង ព្រមទាំងខូចខាតអស់សម្ភារៈមួយចំនួនធំ តែមិនបង្កឲ្យមនុស្សរងរបួសនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៨ និង ៣០ នាទីយប់ ថ្ងៃទី ២១ ខែមករា ឆ្នាំ ២០២៥ តាមបណ្ដោយផ្លូវលេខ ៣០៤ សង្កាត់បឹងកេងកងទី ០២ ខណ្ឌបឹងកេងកង រាជធានីភ្នំពេញ។

តាមប្រភពព័ត៌មានពីប្រជាពលរដ្ឋរស់នៅក្បែរខាងបានឲ្យដឹងថា ពួកគាត់បានធុំក្លិនផ្សែងហុយចូលផ្ទះរបស់ពួកគាត់។ ស្របពេលនោះ ពួកគាត់ បានរត់ស្ទុះចេញមកក្រៅមើល ក៏ប្រទះឃើញផ្ទះទល់មុខគ្នាកំពុងឆាបឆេះយ៉ាងសន្ធោសន្ធៅ។ ភ្លាមៗ នោះ ពួកគាត់បានស្រែកឲ្យប្រជាពលរដ្ឋដទៃទៀតជួយយកទុយោទឹកមកបាញ់ តែដោយសារឆេះនៅជាន់ទី ០២ កម្លាំងទឹកមិនដល់ ទើបសម្រេចចិត្តរាយការណ៍ទៅកាន់សមត្ថកិច្ចជំនាញពន្លត់អគ្គិភ័យ ដើម្បីចុះមកបង្ការសង្គ្រោះឲ្យទាន់ពេលវេលា ការពាររាលដាលដល់ផ្ទះដទៃ។

អគ្គិភ័យនេះដែរបានបង្កការខូចខាតផ្ទះប្រភេទថ្មបេតុង សម្ភារៈមួយចំនួនធំ និងមានរថយន្តពន្លត់មកដល់ទីតាំងចំនួន ០៨ គ្រឿង ក្នុងនោះ រថយន្តរបស់ស្នងការរាជធានី , រថយន្តជំនួយរបស់ទីក្រុងកោះពេជ្រ និង រថយន្តរបស់ក្រសួងមហាផ្ទៃ ប្រើប្រាស់អស់ ០៥ គ្រឿង បាញ់រលត់ជាស្ថាពរ។ ចំពោះមូលហេតុ សមត្ថកិច្ចបានស្រាវជ្រាវរកឃើញថា បណ្តាលមកពីឆ្លងចរន្តអគ្គិសនី៕

អត្ថបទ ៖ ម៉េង