សន្តិសុខសង្គម

បញ្ជូនជនជាតិកូរ៉េម្នាក់ ទៅតុលាការ ពាក់ព័ន្ធឃាតកម្មសម្លាប់នារីម្នាក់ នៅសង្កាត់បឹងកេងកងទី ១

បានផុស

១ ខែ មុន

នៅ

ថ្ងៃពុធ ២២ មករា ២០២៥

ដោយ

កាលពីព្រឹកថ្ងៃទី ២២ ខែមករា ឆ្នាំ ២០២៥ នេះ នគរបាលបានបញ្ជូនជនសង្ស័យជនជាតិកូរ៉េម្នាក់ និងវត្ថុតាង ទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ពាក់ព័ន្ធករណីឃាតកម្ម សម្លាប់នារីម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីវេលាម៉ោង ១៩ និង ៣០ នាទី ថ្ងៃទី ១៨ ខែមករា ឆ្នាំ ២០២៥ កម្លាំងជំនាញអធិការដ្ឋាននគរបាលខណ្ឌបឹងកេងកង សហការជាមួយនាយកដ្ឋាននគរបាលព្រហ្មទណ្ឌ និងកម្លាំងជំនាញស្នងការដ្ឋាននគរបាលខេត្តកណ្ដាល បានស្រាវជ្រាវឃាត់បានជនសង្ស័យជនជាតិកូរ៉េម្នាក់ នៅចំណុចផ្លូវ ៦០ ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដោយជាប់ពាក់ព័ន្ធករណីឃាតកម្ម។

គួររំលឹកថា កាលពីថ្ងៃទី ១៧ ខែមករា ឆ្នាំ ២០២៥ មានការភ្ញាក់ផ្អើលមួយនៅចំណុចសណ្ឋាគារហូមឈីក អគារលេខ ១៧ ផ្លូវ ២៨២ សង្កាត់បឹងកេងកងទី ១ ខណ្ឌបឹងកេងកង ដោយប្រទះឃើញសពនារីជនជាតិខ្មែរម្នាក់ បានស្លាប់ក្នុងបន្ទប់សណ្ឋាគារខាងលើនោះ។ ភ្លាមៗ នោះ ត្រូវបាននគរបាលជំនាញពាក់ព័ន្ធ ចុះដាក់ទីតាំងកើតហេតុ ស្រាវជ្រាវស៊ើបអង្កេត ទើបដឹងថា ពាក់ព័ន្ធករណីឃាតកម្ម ដោយបុរសជនជាតិកូរ៉េបានសម្លាប់នារីរងគ្រោះពិតប្រាកដមែន៕

អត្ថបទ ៖ សុភា