រយៈពេល៤ថ្ងៃ មានយានយន្តល្មើស ៣២៦គ្រឿងត្រូវបានផាកពិន័យ

បើតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈស្តីពីការរឹតបន្ដឹង ច្បាប់ចរាចរណ៍ផ្លូវគោក បានបង្ហាញថា គិតពីថ្ងៃទី១ ដល់ថ្ងៃទី៤ ខែកុម្ភៈ ឆ្នាំ២០២៥នេះ មានយានយន្តចូលគោលដៅសរុបចំនួន ៤៥៤គ្រឿង និងរកឃើញយានយន្តល្មើសសរុបចំនួន ៣២៦គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស។ នេះបើតាមការផុសលើផេកអគ្គស្នងការដ្ឋាននគរបាលជាតិ នៅថ្ងៃទី៤ ខែកុម្ភៈនេះ។

របាយការណ៍បង្ហាញឱ្យដឹងថា គិតចាប់ពីថ្ងៃទី១ ដល់ថ្ងៃទី៤ ក្នុងខែកុម្ភៈ នេះ មានយានយន្តចូលគោលដៅសរុបចំនួន ៤៥៤គ្រឿង, រថយន្តធំ ០១គ្រឿង, រថយន្តតូច ៣៤០គ្រឿង, ម៉ូតូ ១១៣គ្រឿង ។ ក្នុងនោះរកឃើញយានយន្តល្មើសសរុបចំនួន ៣២៦គ្រឿង, រថយន្តធំ ០១គ្រឿង, រថយន្តតូច ២៤១គ្រឿង និងម៉ូតូ ៨៤គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។

ដោយឡែក បើគិតត្រឹមថ្ងៃទី០៤ ខែកុម្ភៈ ឆ្នាំ២០២៥ (ត្រឹមពីម៉ោង ១៤៖០០ ថ្ងៃទី០៣ ខែកុម្ភៈ ឆ្នាំ២០២៥ ដល់ម៉ោង ១៤៖០០ ថ្ងៃទី០៤ ខែកុម្ភៈ ឆ្នាំ២០២៥) បានឲ្យដឹងថា ចំនួនគោលដៅសរុប ១៦០គោលដៅ មានយានយន្តចូលគោលដៅចំនួន ៩១គ្រឿង, រថយន្តធំ ០គ្រឿង, រថយន្តតូច ៧៥គ្រឿង និងម៉ូតូ ១៦គ្រឿង ក្នុងនោះរកឃើញ យានយន្តល្មើសសរុបចំនួន ៥៣គ្រឿង, រថយន្តធំ ០គ្រឿង, រថយន្តតូច ៣៧គ្រឿង និងម៉ូតូ ១៦គ្រឿង និងត្រូវបាន ផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។

យ៉ាងណា របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្ត ល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្បាប់ចរាចរណ៍យ៉ាងល្អប្រសើរ៕