សន្តិសុខសង្គម

កម្លាំងសមត្ថកិច្ចស្រាវជ្រាវឃាត់ខ្លួនជនដៃដល់ច្របាច់.កសម្លាប់សង្សារខ្លួនឯង

បានផុស

៣៨ វិនាទី មុន

នៅ

ថ្ងៃពុធ ១២ កុម្ភៈ ២០២៥

ដោយ

ភ្នំពេញ ៖ ជនដៃដល់ម្នាក់ត្រូវបានកម្លាំងសមត្ថកិច្ចបើកការស្រាវជ្រាវតាមឃាត់ខ្លួនដល់ខេត្តព្រះសីហនុក្រោយពេលធ្វើសកម្មភាពច្របាច់ករសម្លាប់សង្សាររបស់ខ្លួននៅក្នុងបន្ទប់ជួល។

ប្រតិបត្តិការនេះ បានធ្វើឡើងនៅថ្ងៃទ១២ ខែកម្ភៈ ឆ្នាំ២០២៥ ក្រោមការបញ្ជាផ្ទាល់ពី លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នឹង ដឹកនាំដោយ លោកឧត្តមសេនីយ៍ទោ ប៊ុន សត្យា ស្នងការរងនគរបាល បានបើកការស្រាវជ្រាវរហូតតាមចាប់ខ្លួនជនដៃដល់នៅខេត្តព្រះសីហនុ ដោយសហការជាមួយកម្លាំងនគរបាលខេត្តព្រះសីហនុ។

គួររំលឹកផងដែរថា មានករណីភ្ញាក់ផ្អើលមួយបានកើតឡើង កាលពីម៉ោង១:៣០នាទីរសៀល ថ្ងៃទី២០ ខែមករា ឆ្នាំ២០២៥ ហើយត្រូវបានគេសង្ស័យថា ជាអំពើឃាតកម្ម។ ដោយស្រ្តីកម្មកររោងចក្រម្នាក់ ត្រូវបានគេប្រទះឃើញស្លាប់ដោយឃាតកប្រើខ្សែរឹតករសម្លាប់នៅក្នុងបន្ទប់លេខ៦៦ ជាន់ទី៣ ផ្ទះជួល ស្ថិតនៅក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ដែលសាកសពមានសភាពហើមស្អុយទៅហើយ។ ជនរងគ្រោះឈ្មោះ ជុន សេន អាយុ៣៩ឆ្នាំ ជាកម្មការិនីរោងចក្រកាត់ដេរ មានទីលំនៅភូមិត្រពាំងលាន ឃុំព្រៃក្រសាំង ស្រុកឧដុង្គ ខេត្តកំពង់ស្ពឺ និងស្នាក់នៅក្នុងបន្ទប់ជួលកើតហេតុ។

បច្ចុប្បន្នជនសង្ស័យខាងលើត្រូវបានសមត្ថកិច្ចជំនាញបញ្ជូនខ្លួនមកកាន់ស្នងការនគរបាលរាជធានីភ្នំពេញ ដើម្បីធ្វើការសួរនាំនិងបញ្ជូនទៅកាន់សាលាដំបូងរាជធានីភ្នំពេញ ៕

អត្ថបទ៖ ម៉េង