សន្តិសុខសង្គម
ជនសង្ស័យ ១ ក្រុម ធាក់វាយប្លន់ម៉ូតូ ២ គ្រឿង បានសម្រេច ក្នុងពេលតែមួយ នៅខណ្ឌព្រែកព្នៅ
បុរស ២ នាក់ ពូ និង ក្មួយ ជិះម៉ូតូម្នាក់ ១ គ្រឿង ត្រូវក្រុមជនសង្ស័យ ១ ក្រុម ធ្វើសកម្មភាពធាក់វាយប្លន់ម៉ូតូបានសម្រេច ចំនួន ២ គ្រឿង ក្នុងពេលតែមួយ។

ហេតុការណ៍នេះបានកើតឡើងកាលពីវេលាម៉ោងជាង ១១ យប់ ថ្ងៃទី ២៥ ខែកុម្ភៈ ឆ្នាំ ២០២៥ ស្ថិតនៅលើផ្លូវវិមានឈ្នះៗ ចំណុចក្បែរសាលាកូរ៉េ ស្ថិតក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ។

តាមប្រភពពីជនរងគ្រោះបានឲ្យដឹងថា នៅមុនពេលកើតហេតុ បុរសរងគ្រោះទាំង ២ នាក់ ត្រូវជាពូនិង ក្មួយ ជិះម៉ូតូម្នាក់ ១ គ្រឿង ម៉ាកហុងដាឌ្រីមសេ ១២៥ ពណ៌ខ្មៅ ទើបនឹងចេញពីមន្ទីរពេទ្យមើលសាច់ញាតិ ក៏ជិះម៉ូតូត្រឡប់ទៅផ្ទះវិញ ធ្វើដំណើរតាមបណ្ដោយផ្លូវវិមានឈ្នះៗ ទិសដៅពីជើងទៅត្បូង។ ពេលនោះ ខណៈជិះមកដល់ចំណុចកើតហេតុក្បែរនឹងសាលាកូរ៉េ ស្រាប់តែលេចមុខក្រុមជនសង្ស័យមានគ្នាប្រមាណ ៦ នាក់ ជិះម៉ូតូ ៣ គ្រឿង មកធ្វើសកម្មភាពធាក់ម៉ូតូពីក្រោយ បណ្ដាលឲ្យដួល។ បន្ទាប់មក បក្ខពួកជនសង្ស័យប្រដាប់ដោយដំបង និង ដុំថ្ម មកគំរាម ពេលនោះដែរ ដោយខ្លួនភ័យពេក ខ្លាចក្រុមជនសង្ស័យទាំងនោះ ក៏រត់ស្រែកឲ្យអ្នកក្បែរខាងជួយ។ ទោះយ៉ាងណា ក្រុមជនសង្ស័យទាំងនោះ បានយកម៉ូតូជនរងគ្រោះបានទាំង ២ គ្រឿង ហើយជិះគេចខ្លួនចេញពីកន្លែងកើតហេតុបាត់ស្រមោលតែម្ដង។

ក្រោយកើតហេតុគេឃើញវត្តមានកម្លាំងសមត្ថកិច្ចប៉ុស្តិ៍នគរបាលសង្កាត់គោករកា ចុះមកដល់ រួចនាំជនរងគ្រោះទៅដាក់ពាក្យបណ្ដឹង ដើម្បីតាមស្រាវជ្រាវរកក្រុមជនសង្ស័យទាំងនោះឃាត់យកមកចាត់ការតាមនីតិវិធីច្បាប់៕
អត្ថបទ ៖ សំណាង






-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?