សន្តិសុខសង្គម

ឃាត់ខ្លួនមុខសញ្ញាឆក់ទ្រព្យសម្បត្តិពលរដ្ឋ ៣ នាក់ ក្រោយធ្វើសកម្មភាព ២ ករណី

បានផុស

១ ខែ មុន

នៅ

ថ្ងៃព្រហស្បតិ៍ ២៧ កុម្ភៈ ២០២៥

ដោយ

ជនសង្ស័យចំនួន ៣ នាក់ ត្រូវបានកម្លាំងនគរបាលការិយាល័យព្រហ្មទណ្ឌកម្រិតស្រាល ធ្វើការស្រាវជ្រាវបង្ក្រាបបានជាបន្តបន្ទាប់ កាលពីវេលាម៉ោង ១៦ និង ៤៥ នាទី ថ្ងៃទី ២៥ ខែកុម្ភៈ ឆ្នាំ ២០២៥ ថ្មីៗ នេះ នៅចំណុចផ្ទះលេខ ២ឌ ផ្លូវបេតុង ក្រុម ៣ ភូមិទ្រុងមាន់ សង្កាត់អូរបែកក្អម ខណ្ឌ សែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានឱ្យដឹងថា ក្រោយកើតហេតុ បន្ទាប់ពីទទួលបានបទបញ្ជាពីលោកឧត្ដមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ កម្លាំងការិយាល័យព្រហ្មទណ្ឌកម្រិតស្រាល បានបើកការស្រាវជ្រាវរហូតឃាត់ខ្លួនបានជនសង្ស័យចំនួន ៣ នាក់ ៖ ១-ឈ្មោះ ស៊ឹម សុខលាប ភេទប្រុស អាយុ ១៧ ឆ្នាំ។ ២-ឈ្មោះ គ្រៀល រថនា ភេទប្រុស អាយុ ១៧ ឆ្នាំ។ ៣-ឈ្មោះ លន់ បញ្ញា ភេទប្រុស អាយុ ១៧ ឆ្នាំ។ ចំពោះវត្ថុតាងដកហូតម៉ូតូម៉ាកហុងដាស្កុបពី ពណ៌ខ្មៅ ពាក់ផ្លាកលេខ ភ្នំពេញ ១KR-៨៦៣០ ចំនួន ១ គ្រឿង ដែលជិះធ្វើសកម្មភាព។

នគរបាលបានបន្តថា ជនសង្ស័យទាំង ៣ នាក់ និងបក្សពួក បានធ្វើសកម្មភាពឆក់ចំនួន ២ ករណី ដោយ ករណីទី១-ឆក់ទូរស័ព្ទដៃ កាលពីថ្ងៃទី ២១ ខែកុម្ភៈ ឆ្នាំ ២០២៥ វេលាម៉ោង ២០ និង ៤០ នាទី ស្ថិតនៅចំណុចមុខបុរីជីកម៉ុង ផ្លូវ ១១៣K ភូមិក្បាលដំរី ២ សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។ ករណីទី២-ឆក់ខ្សែក កាលពីថ្ងៃទី ០៧ ខែមករា ឆ្នាំ ២០២៥ វេលាម៉ោង ១៧ និង ០០ នាទីយប់ ស្ថិតនៅចំណុចមុខបុរីជីបម៉ុង ផ្លូវ ១១៣K ភូមិព្រៃទា ១ សង្កាត់ចោមចៅ ៣ ខណ្ឌពោធិ៍សែនជ័យ រាជធានីភ្នំពេញ។