សន្តិសុខសង្គម

ធ្លាក់កម្ទេចផ្កាភ្លើងចេញពីក្រុមជាងកាត់ដែកដំបូល បង្កជាអគ្គិភ័យឆេះផ្ទះ ០១ ខ្នង នៅខណ្ឌដូនពេញ

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ៦ មីនា ២០២៥

ដោយ

ជាងកាត់ដែកដំបូលខ្វះការប្រុងប្រយ័ត្ន ធ្លាក់កម្ទេចផ្កាភ្លើង បណ្តាលឲ្យឆេះផ្ទះឈើ ០១ ខ្នង ស្ទើរទាំងស្រុង និងសម្ភារៈមួយចំនួន ផ្អើលអស់ប្រជាពលរដ្ឋយកទឹកមកជួយពន្លត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១០ និង ៥០ នាទី ព្រឹកថ្ងៃទី ០៦ ខែមីនា ឆ្នាំ ២០២៥ នៅចំណុចផ្លូវបេតុង ក្រោយស្ថានទូតបារាំង សង្កាត់ស្រះចក ខណ្ឌដូនពេញ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុមានជាងមួយក្រុមបានមក ផ្ទះកើតហេតុឡើងលើដំបូល ដើម្បីកាត់ដែកដំបូលជួសជុល ខណៈកំពុងកាត់ដែកដំបូល ក៏ស្រាប់តែធ្លាក់កម្ទេចផ្កាភ្លើងចុះទៅក្រោម ដែលខាងក្រោមជាផ្ទះឈើ បណ្តាលឲ្យឆាបឆេះតែម្ដង។ ភ្លាមៗ ប្រជាពលរដ្ឋបាននាំគ្នាជួយយកទឹកបាញ់ពន្លត់ ប៉ុន្តែដោយសារមានផ្សែងហុយច្រើនផង ទើបសម្រេចចិត្តប្រញាប់រាយការណ៍ជូនសមត្ថកិច្ចជំនាញអគ្គិភ័យចុះមកអន្តរាគមន៍។

អគ្គិភ័យនេះដែរបានឆាបឆេះផ្ទះឈើប្រក់ស័ង្កសីអស់ ៥០ ភាគរយ និងសម្ភារៈមួយចំនួនធំ ព្រមទាំងប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញអស់ចំនួន ០១ គ្រឿង បាញ់ឲ្យរលត់ជាស្ថាពរ។ ចំពោះមូលហេតុសមត្ថកិច្ចស្រាវជ្រាវរកឃើញថា បណ្ដាលមកពីជាងកាត់ដំបូលធ្លាក់កម្ទេចភ្លើង៕

អត្ថបទ ៖ រដ្ឋា