សន្តិសុខសង្គម

យុវជនម្នាក់ មិនដឹងមានវិបត្តិអ្វីមកលោតទឹកនៅលើស្ពានជ្រោយចង្វារ បន្សល់ទុកស្បែកជើង និងទូរសព្ទ

បានផុស

៤៦ វិនាទី មុន

នៅ

ថ្ងៃអង្គារ ១១ មីនា ២០២៥

ដោយ

យុវជនម្នាក់ សម្រេចចិត្តលោតទឹកសម្លាប់ខ្លួន ដើម្បីបញ្ចប់ជីវិតខ្លួនឯងនៅលើស្ពានជ្រោយចង្វារ បង្កឲ្យមានការភ្ញាក់ផ្អើលដល់ប្រជាពលរដ្ឋ និងកម្លាំងសមត្ថកិច្ច ចុះអន្តរាគមន៍ទំនាក់ទំនងរកក្រុមគ្រួសារសាច់ញាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១ និង ១៥ នាទីរំលងអធ្រាត្រ ឈានចូលថ្ងៃទី ១២ ខែមីនា ឆ្នាំ ២០២៥ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

តាមប្រភពពីកន្លែងកើតហេតុបានឲ្យដឹងថា គេបានឃើញយុវជនវ័យក្មេងម្នាក់ ឈរនៅលើស្ពានជ្រោយចង្វារ ដោយស្មានតែឈរធម្មតាក៏មិនចាប់អារម្មណ៍។ មួយសន្ទុះក្រោយមកយុវជនខាងលើ បានយកទូរសព្ទ និងដោះស្បែកជើងទុកនៅលើស្ពាន ហើយសម្រេចចិត្តលោតចុះទៅខាងក្រោមតែម្ដង ក៏បង្កការភ្ញាក់ផ្អើលដល់ប្រជាពលរដ្ឋរាយការណ៍ជូនសមត្ថកិច្ចមូលដ្ឋានចុះមកអន្តរាគមន៍ និងធ្វើការទំនាក់ទំនងរកក្រុមគ្រួសារសាច់ញាតិមកទីតាំងកន្លែងកើតហេតុ។

ក្រោយពេលកើតហេតុសមត្ថកិច្ចមូលដ្ឋាន និងក្រុមគ្រួសារសាច់ញាតិ បានមកដល់ទីតាំងកន្លែងកើតហេតុធ្វើការស្វែងរកទូកនេសាទឲ្យជួយរុករកកូនរបស់គាត់ដើម្បីយកទៅធ្វើបុណ្យតាមប្រពៃណី៕

អត្ថបទ ៖ ម៉េង