សន្តិសុខសង្គម

សុំអង្វរនៅធ្វើការបន្តមិនបាន ទាស់សម្ដីគ្នា ឈានដល់ចាក់សម្លាប់ ប្លន់យកទូរស័ព្ទ និងបង្ខំជនរងគ្រោះប្រាប់លេខកូដធនាគារ

បានផុស

១ សប្តាហ៍ មុន

នៅ

ថ្ងៃអង្គារ ១៨ មីនា ២០២៥

ដោយ

ជនសង្ស័យម្នាក់ ខឹង ព្រោះសុំអង្វរជនរងគ្រោះនៅធ្វើការបន្តមិនបាន ក៏ទាស់សម្ដីគ្នា រហូតឈានដល់ចាក់សម្លាប់ ប្លន់យកទូរស័ព្ទ និងបង្ខំឲ្យប្រាប់លេខកូដធនាគារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីចាក់សម្លាប់នេះបង្កឲ្យមានការភ្ញាក់ផ្អើលកាលពីវេលាម៉ោង ០៩ និង ៣០ នាទីព្រឹក ថ្ងៃទី ១៨ ខែមីនា ឆ្នាំ ២០២៥ នៅចំណុចផ្ទះម៉ាស្សាយីហោ «គេណេស» តាមបណ្ដោយផ្លូវលេខ ៤២០ សង្កាត់បឹងត្របែក ខណ្ឌចំការមន រាជធានីភ្នំពេញ។

សពជនរងគ្រោះមានឈ្មោះ ពៅ ភេទប្រុស អាយុ ៣៦ ឆ្នាំ ជនជាតិខ្មែរ មុខរបរជាមេការ(ស្លាប់ពេលនៅមន្ទីរពេទ្យ)។ ចំណែកឯជនសង្ស័យភេទប្រុស មិនទាន់ស្គាល់អត្តសញ្ញាណនៅឡើយទេ សមត្ថកិច្ចកំពុងធ្វើការស្រាវជ្រាវ។

តាមប្រភពព័ត៌មានពីប្រជាពលរដ្ឋបានប្រាប់ឲ្យដឹងថា មុនកើតហេតុ កាលពីវេលាម៉ោង ០៩ យប់ ថ្ងៃទី ១៦ ខែមីនា ឆ្នាំ ២០២៥ បុរសរងគ្រោះបានហៅជនសង្ស័យមកជួប ដើម្បីនិយាយពីរឿងការងារ និងប្រាប់ទៅកាន់ជនសង្ស័យថា «គាត់ឈប់ឲ្យនៅធ្វើការទៀតហើយ ដោយសារតែជនសង្ស័យមានដៃមានជើងលួចអីវ៉ាន់»។ ខណៈនោះ ជនសង្ស័យបានសុំអង្វរទៅកាន់ជនរងគ្រោះ ប៉ុន្តែជនរងគ្រោះមិនព្រមឲ្យនៅបន្ត ក៏កើតមានការទាស់សម្តីគ្នា រហូតឈានដល់ជនសង្ស័យយកកូនកាំបិតចិតផ្លែឈើចាក់ទៅលើបុរសរងគ្រោះជាច្រើនកាំបិត បណ្តាលឲ្យរងរបួសធ្ងន់។ ស្របពេលនោះ ឆ្លៀតឱកាសល្អ ជនសង្ស័យបានលួចយកទូរស័ព្ទដៃចំនួន ០១ គ្រឿង និងជំរិតបង្ខំបុរសរងគ្រោះឲ្យប្រាប់លេខកូដធនាគារ ហើយក៏រត់គេចខ្លួនបាត់ស្រមោល។ ភ្លាមៗ បង្កឲ្យមានការឆោឡោផ្អើលបុគ្គលិកដូចគ្នាទាក់ទងហៅរថយន្តសង្គ្រោះបញ្ជូនទៅកាន់មន្ទីរពេទ្យ ប៉ុន្តែជាអកុសលបុរសរងគ្រោះបានស្លាប់បាត់បង់ជីវិតនៅមន្ទីរពេទ្យកាលពីម្សិលមិញនេះបាត់ទៅហើយ។