សន្តិសុខសង្គម

ស្រវឹងស្រាដើរគោះទ្វារផ្ទះគេ ពេលម្ចាស់ផ្ទះចេញមកសួរនាំ បម្រុងប្រើហិង្សា ត្រូវពលរដ្ឋឃាត់ឲ្យសមត្ថកិច្ច

បានផុស

៤ សប្តាហ៍ មុន

នៅ

ថ្ងៃសុក្រ ២១ មីនា ២០២៥

ដោយ

បុរសម្នាក់ ស្រវឹងស្រាមកគោះទ្វារផ្ទះអ្នកជិតខាង ត្រូវបានម្ចាស់ផ្ទះចេញមកសួរនាំបែរជាថាអត់ដឹង ហើយឈ្លោះប្រកែកគ្នា និងយកកាំបិតបុ័ងតោបម្រុងប្រើអំពើហិង្សា តែត្រូវប្រជាពលរដ្ឋឃាត់ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៩ និង ៤០ នាទី យប់ថ្ងៃទី ២០ ខែមីនា ឆ្នាំ ២០២៥ នៅផ្លូវបេតុង ភូមិផ្សារបឹងឈូក សង្កាត់អូបែកក្អម ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីម្ចាស់ផ្ទះដែលត្រូវបានបុរសម្នាក់មកគោះទ្វារ បានឲ្យដឹងថា នៅមុនពេលកើតហេតុ គាត់បានឮសំឡេងគោះទ្វារនៅខាងក្រៅ។ បន្ទាប់មកគាត់ចេញមកខាងក្រៅ ឃើញបុរសម្នាក់ នៅខាងមុខផ្ទះគាត់។ បន្ទាប់មកទៀត គាត់បានសួរនាំថា «នរណាគោះទ្វារផ្ទះខ្ញុំ ហើយមានការអី?» លុះបន្ទាប់មកបុរសម្នាក់ខាងលើនិយាយក្នុងស្ថានភាពស្រវឹង ហើយប្រាប់ថា «អត់ដឹងទេ មិនដឹងនរណាគោះទ្វារផង»។

ប្រភពដដែលបន្តថា រូបគាត់(ម្ចាស់ផ្ទះ) បានមើលតាមកាមេរ៉ាសុវត្ថិភាពឃើញបុរសម្នាក់ខាងលើជាអ្នកគោះទ្វារផ្ទះ ហើយក៏បានឈ្លោះប្រកែកគ្នា។ ក្នុងនោះភាគីបុរសម្នាក់ខាងលើមករករឿងលើរូបគាត់ដែលជាម្ចាស់ផ្ទះ ហើយបានជិះម៉ូតូត្រឡប់ទៅវិញបាត់ទៅ។ លុះមួយសន្ទុះក្រោយមក ប្រពន្ធបុរសខាងលើបានមកសុំទោស។ ក្រោយមកបុរសខាងលើ ស្រាប់តែមកឈ្លោះប្រកែកម្តងទៀត ដោយលាក់កាំបិតក្នុងអាវ តែត្រូវបានប្រជាពលរដ្ឋឃើញទាន់ ហើយឃាត់ភ្លាមៗ ប្រគល់ឲ្យសមត្ថកិច្ចនគរបាលដើម្បីយកទៅសួរនាំ។