សន្តិសុខសង្គម

កម្លាំងសណ្តាប់ធ្នាប់ខណ្ឌឬស្សីកែវ ចុះឈូសកើបដីខ្សាច់ បាញ់ទឹកសម្អាតនៅលើផ្លូវជាតិ៥

បានផុស

២ ថ្ងៃ មុន

នៅ

ថ្ងៃពុធ ២៦ មីនា ២០២៥

ដោយ

ភ្នំពេញ ៖ នៅរសៀលថ្ងៃទី ២៦ ខែមីនា ឆ្នាំ ២០១៥ កំលាំងសណ្តាប់ធ្នាប់ខណ្ឌឬស្សីកែវ ចុះឈូស កើបដីខ្សាច់កកស្ទះនៅលើចិញ្ចើមថ្នល់តាមដងផ្លូវជាតិ៥ តំបន់គីឡូម៉ែត្រលេខ៩ និង សង្កាត់ស្វាយប៉ាក បានបាញ់ទឹកសម្អាត និងណែនាំដល់ប្រជាពលរដ្ឋ មិនឱ្យដាក់តាំងលក់របស់របរហៀរចេញមកផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នុត វី ប្រធានសណ្ដាប់ធ្នាប់ខណ្ឌ បានឱ្យដឹងថា ដោយអនុវត្តន៍ តាមបទបញ្ជាពីលោក ជិន ប៊ុនធឿន អភិបាលខណ្ឌឫស្សីកែវ បានឱ្យកម្លាំងសណ្តាប់ធ្នាប់ខណ្ឌ ចុះឈូសសម្អាត និងរៀបចំសណ្ដាប់ធ្នាប់របៀបរៀបរយទូទៅ នៅតាមបណ្ដោយផ្លូវជាតិលេខ៥ ដោយបានណែនាំដល់បងប្អូនប្រជាពលរដ្ឋដែលលក់ដូរ និងមានលំនៅដ្ឋានជាប់នឹងផ្លូវជាតិលេខ៥ទាំងអស់ មិនឱ្យដាក់តាំងរបស់របរលក់ដូរ ហៀរចេញមកលើផ្លូវសាធារណៈ ដែលធ្វើឱ្យបាត់បង់សណ្ដាប់ធ្នាប់ និងបង្កការកកស្ទះដល់ចរាចរធ្វើដំណើររបស់បងប្អូនប្រជាពលរដ្ឋ ផងដែរ។

ជាមួយគ្នានោះ ក្រុមការងារបានឱ្យដឹងថា ដោយតំបន់ខាងលើ មានដេប៉ូខ្សាច់ មានឡានដឹកខ្សាច់ចេញចូលច្រើន ទើបមានខ្សាច់ហៀរកកជាច្រើនបែននេះ។ តែទោះជាយ៉ាងណា កម្លាំងសណ្តាប់ធ្នាប់ សហការជាមួយអាជ្ញារធរមូលដ្ឋានតែងតែចុះសម្អាតជាប់ជាប្រចាំ វិលជុំ គ្រប់សង្កាត់ទាំង៧ របស់ខណ្ឌឬស្សីកែវ។

ក្រុមការងារ ក៏បានណែនាំដល់ បងប្អូនប្រជាពលរដ្ឋ មានទីលំនៅតាមកំណាត់ផ្លូវខាងលើនេះ ចូលរួមសហការជាមួយកម្លាំងអាជ្ញាធរមូលដ្ឋាន ថែរក្សាអនាម័យ និងមិនត្រូវបន្ត ដាក់តាំងរបស់របរលក់ដូរ ហៀរចេញមកលើផ្លូវសាធារណៈ ដែលធ្វើឱ្យបាត់បង់សណ្ដាប់ធ្នាប់ និងបង្កការកកស្ទះដល់ចរាចរធ្វើដំណើរដល់បងប្អូនប្រជាពលរដ្ឋ ជាពិសេសក៏ដើម្បីចូលរួមធ្វើយ៉ាងណាឱ្យមូលដ្ឋានខណ្ឌរបស់យើងស្អាតទាំងអស់គ្នា៕

ដោយ ៖ សំណាង