Connect with us

សន្តិសុខសង្គម

Update៖ អគ្គិភ័យឆេះនៅខណ្ឌ​ឬស្សីកែវយប់មិញ​ឆេះផ្ទះពលរដ្ឋសរុប១១ខ្នង

បានផុស

នៅ

ករណីអគ្គិភ័យឆេះផ្ទះប្រជាពលរដ្ឋយ៉ាងសន្ធោសន្ធៅកាលពីវេលាម៉ោង៨និង៣០នាទីយប់ ថ្ងៃទី៣០ ខែមីនា ឆ្នាំ២០២៥ នៅតាមបណ្តោយផ្លូវជាតិលេខ៥ ក្នុងសង្កាត់ស្វាយប៉ាក ខណ្ឌឬស្សីកែវ បណ្ដាលឲ្យខូចខាតផ្ទះពលរដ្ឋ៤ខ្នងទាំងស្រុង និងរាលដាលដល់ជញ្ជាំងផ្ទះផ្សេងចំនួន០៧ខ្នងបន្ថែមទៀត សរុប១១ខ្នង និងសម្ភារៈមួយចំនួនធំ។ បើតាមសមត្ថកិច្ចករណីនេះកើតឡើងដោយសារឆ្លងចរន្ដអគ្គិសនី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពព័ត៍មានពីប្រជាពលរដ្ឋបានប្រាប់អោយដឹងថា មុនកើតមាននូវករណីអគ្គិភ័យឆាបឆេះផ្ទះជាច្រើនខ្នងបែបនេះ គាត់បានឮសម្លេងផ្ទុះចំនួន១ដង តែមិនចាប់អារម្មណ៍ ស្មានតែមានក្មេងលេងផាវ។ លុះមួយសន្ទុះក្រោយមកក៏មានផ្សែងខ្មៅហ៊ុយខ្មួលខ្មាញ់ លាយឡំអណ្តាតភ្លើងយ៉ាងសន្ធោសន្ធៅ។ ភ្លាមៗនោះ មានក្រុមសមាគមឥស្លាម បានជួយចេញកាណូតពន្លត់អគ្គិភ័យដែរ ប៉ុន្តែដោយសារស្ថានភាពភ្លើងមិនមានការថមថយ ពលរដ្ឋក៏រាយការណ៍ជូនសមត្ថកិច្ចជំនាញ ចុះមកអន្តរាគមន៍ ដើម្បីកុំអោយមានការរាលដាលដល់ឃ្លាំងបញ្ជូលហ្គាសដែលនៅក្បែរនោះ។

គ្រោះអគ្គិភ័យនេះដែរបានបំផ្លាញទ្រព្យសម្បត្តិប្រជាពលរដ្ឋរួមមាន ផ្ទះប្រភេទសំណង់ ថ្មក្រោមឈើលើ ចំនួន៤ខ្នងអស់ទាំងស្រុង និងឆេះរាលដល់ជញ្ជាំងផ្ទះចំនួន០៧ខ្នងផ្សេងទៀត និងសម្ភារៈមួយចំនួនធំ។

ក្នុងប្រតិបត្តិការអន្តរាគមន៍ កម្លាំងជំនាញបានប្រើប្រាស់រថយន្តពន្លត់អគ្គិភ័យចំនួន២៣គ្រឿង ក្នុងនោះរួមមាន រថយន្តការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ចំនួន១២គ្រឿង, រថយន្តជំនួយមកពីកងពលតូចលេខ៧០ ចំនួន០៤គ្រឿង (ពុំបានប្រើប្រាស់ទឹក), រថយន្តរបស់សាលាខណ្ឌឬស្សីកែវ ចំនួន០១គ្រឿង, រថយន្តរបស់ទីក្រុងជ្រោយចង្វារ ចំនួន០២គ្រឿង រថយន្តរបស់ក្រុមហ៊ុនសូគីមិច ចំនួន០១គ្រឿង និងកាណូតពន្លត់អគ្គិភ័យចំនួន០៣គ្រឿង បាញ់អោយរលត់ជាស្ថាពរ៕

អត្ថបទ៖ រដ្ឋា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទីutes មុន

ត្រាំ ប្រកាសក្តែងៗថា អាមេរិក ​នឹងយកបាន Greenland ១០០%

អគ្គិភ័យ
សន្តិសុខសង្គម១៤ នាទីutes មុន

Update៖ អគ្គិភ័យឆេះនៅខណ្ឌ​ឬស្សីកែវយប់មិញ​ឆេះផ្ទះពលរដ្ឋសរុប១១ខ្នង

លោក វ៉ី សំណាង
ព័ត៌មានជាតិ១៦ ម៉ោង មុន

លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន

រដ្ឋមន្ត្រីធនធានទឹក
ព័ត៌មានជាតិ១៦ ម៉ោង មុន

រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យ​ផលប៉ះពាល់សំណង់អាងទឹក ក្រោយមានគ្រោះ​រញ្ជួយដីនៅប្រទេសជិតខាង

ព័ត៌មានអន្ដរជាតិ១៦ ម៉ោង មុន

ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី

Sokha Hotels

ព័ត៌មានពេញនិយម