សន្តិសុខសង្គម
ភាពអនាធិបតេយ្យរបស់ក្រុមអ្នកបើករថយន្ដឈ្នួលដឹកអ្នកដំណើរនៅក្រោមស្ពានអាកាសក្បាលថ្នល់
នៅព្រឹកថ្ងៃទី៣ ខែមេសា នេះ អ្នកធ្វើដំណើរឆ្លងកាត់ក្រោមស្ពានអាកាសក្បាលថ្នល់មានការធុញទ្រាន់នូវសកម្មភាពរថយន្តតាក់សុីដែលឈប់ចាប់ម៉ូយយ៉ាងប្រសេចប្រសាចបែបអនាធិបតេយ្យហើយងាយជួបគ្រោះថ្នាក់ពេលយានយន្តបន្ថែមល្បឿនដើម្បីឡើងស្ពានព្រះមុនីវង្សថ្មីឆ្ពោះទៅច្បារអំពៅ។

លោក ទិត ទិវា ដែលជាអ្នកធ្វើដំណើរឆ្លងកាត់ក្រោមស្ពានអាកាសក្បាលថ្នល់បានឲ្យដឹងថា វាសឹងជារៀងរាល់ថ្ងៃហើយដែលក្រុមរថយន្តតាក់សុីមកឈប់សំចតចាំចាប់ម៉ូយក្រោមស្ពានអាកាសក្បាលថ្នល់នេះបង្កឲ្យអ្នកបើកបរមានការព្រួយបារម្ភខ្លាចជួបគ្រោះថ្នាក់ពេលយានយន្តប្រឹងបន្ថែមល្បឿនឡើងស្ពានព្រះមុនីវង្សថ្មីឆ្ពោះទៅច្បារអំពៅ។ អ្វីដែលអ្នកធ្វើដំណើរមានការព្រួយបារម្ភបន្ថែមទៀតនោះ គឺមានម៉ូតូ ម៉ូតូសណ្តោងរុឺម៉កបើកបរបញ្ច្រាសទិសចេញពីផ្លូវជាតិលេខ២មិនព្រមបើកបរឡើងស្ពានព្រះមុនីវង្សថ្មីតាមការកំណត់ចរាចរណ៍ឡើយ គឺអ្នកដំណើរដែលបើកបរបញ្ច្រាសទិសនោះបើកបរទាំងបំពានមកក្រោមស្ពានអាកាសក្បាលថ្នល់ដែលងាយគ្រោះថ្នាក់ពេលយានយន្តគ្រប់ប្រភេទដែលបើកបរស្របទិសសំដៅឡើងស្ពានព្រះមុនីវង្សថ្មី។

អ្នកធ្វើដំណើរបានសំណូមពរដល់សមត្ថកិច្ចពាក់ព័ន្ធមេត្តាដាក់កម្លាំងរៀបចំសណ្តាប់ធ្នាប់នៅទីតាំងក្រោមស្ពាននេះផង។ព្រោះក្នុងរជ្ជកាលលោក ពេជ្រ កែវមុនី នៅជាអភិបាលខណ្ឌមានជ័យ លោកបានដាក់កម្លាំងគណបញ្ជាការឯកភាពខណ្ឌមកប្រចាំការ២៤ម៉ោងលើ២៤ម៉ោងទប់ស្កាត់ភាពអនាធិបតេយ្យពីសំណាក់រថយន្តតាក់សុីព្រមទាំងអ្នកជិះបញ្រ្ចាសធ្វើឲ្យអ្នកដំណើរគាំទ្រខ្លាំង។ គួរបញ្ជាក់ថា ទីតាំងនេះស្ថិតនៅក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ៕
អត្ថបទ៖ នរា


-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ១ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា