សន្តិសុខសង្គម

ភ្លើងឆេះដីចម្ការជាង ៣០ ហិតា ខូចខាតផលដំណាំរាប់ពាន់ដើម

បានផុស

៥៩ នាទីutes មុន

នៅ

ថ្ងៃសៅរ៍ ៥ មេសា ២០២៥

ដោយ

ផលដំណាំនៅក្នុងចម្ការរបស់ប្រជាពលរដ្ឋចំនួន ០៣ ម្ចាស់ ត្រូវបានខូចខាតរាប់ពាន់ដើម ខណៈដែលមានភ្លើងឆេះព្រៃរាលដាលចូលដល់ដីចម្ការរបស់ពួកគាត់បណ្ដាលឲ្យឆេះទាំងដំណាំតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ នៃគ្រោះអគ្គិភ័យនេះបានកើតឡើង កាលពីថ្ងៃទី ០៤ ខែមេសា ឆ្នាំ ២០២៥ វេលាម៉ោងប្រហែល ០១ និង ២០ នាទីរសៀល ស្ថិតនៅចំណុចភ្នំប្រាក់ ភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង ដោយមានករណីអគ្គិភ័យកើតឡើងចំនួន ០១ លើក បណ្តាលឲ្យឆេះចម្ការចំនួន ០៣ កន្លែង។

តាមរបាយការណ៍របស់សមត្ថកិច្ចមូលដ្ឋានបានបញ្ជាក់ថា ទីតាំងដែលឆេះ និងប៉ះពាល់ដល់ម្ចាស់ចម្ការទាំង ០៣ កន្លែងនោះ គឺ ០១-ចម្ការរបស់ក្រុមហ៊ុនចិន ឆេះលើផ្ទៃដីចំនួន ១៤ ហិតា ខូចខាតដើមតាង៉ែនចំនួន ៨០០ ដើម ដើមឫស្សីអស់ចំនួន ២ ០០០ គុម្ព និងខូចខាតប្រព័ន្ធទុយោតូចៗ សម្រាប់ស្រោចស្រពទាំងស្រុង។ ០២-ម្ចាស់ចម្ការដែលមានឈ្មោះ ទឹម សារ៉ាត់ ភេទប្រុស អាយុ ៦៨ ឆ្នាំ រស់នៅកន្លែងកើតហេតុខាងលើ ឆេះផ្ទៃដីចំនួន ១៦ ហិតា ឆេះអស់ទាំងស្រុង ខូចខាតដើមស្វាយអស់ចំនួន ៤ ៤៨០ ដើម។ ០៣-ចម្ការរបស់ឈ្មោះ ឡុង សយសុធី ភេទប្រុស រស់នៅបាត់ដំបង ការឆេះ និងការខូចខាតមិនទាន់ដឹង ដោយសារម្ចាស់មិននៅ។

ពាក់ព័ន្ធនឹងមូលហេតុ នៃការឆេះព្រៃរាលដាលចម្ការនេះ សមត្ថកិច្ច កំពុងធ្វើការស្រាវជ្រាវ។ ភ្លាមៗនោះ ទាំងសមត្ថកិច្ចមូលដ្ឋាន ក៏ដូចជាកម្លាំងការិយាល័យជំនាញ នៃស្នងការដ្ឋាននគរបាលខេត្តបាត់ដំបង បានចេញរថយន្តពន្លត់អគ្គិភ័យចំនួន ០៥ គ្រឿង ដើម្បីជួយអន្តរាគមន៍៕

អត្ថបទ ៖ សោ និយមរ័ត្ន