សន្តិសុខសង្គម

ផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង

បានផុស

៥៣ វិនាទី មុន

នៅ

ថ្ងៃព្រហស្បតិ៍ ១០ មេសា ២០២៥

ដោយ

ភ្នំពេញ ៖ គ្រឿងចក្រ សម្រាប់ស្ទូចថ្មបេតុង ដើម្បីដាក់ទប់តាមមាត់ប្រឡាយលូទឹកស្អុយស្ពានដែក ស្រាប់តែផុងដី ផ្អៀងមួយចំហៀង រំលំដងស្ទូចប្រវែងជាង៥០ម៉ែត្រ សង្កត់ទៅលើសំយាបផ្ទះប្រជាពលរដ្ឋចំនួន៤ខ្នង និង ម៉ូតូមួយគ្រឿង ផ្អើលប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍រលំដងសន្ទូច បង្កការភ្ញាក់ផ្អើលកាលវេលាម៉ោង ០៤និង៣០នាទីល្ងាចថ្ងៃទី១០ខែ ខែមេសាឆ្នាំ២០២៥ តាមបណ្ដោយមាត់ប្រឡាយស្ពានដែក ក្នុងសង្កាត់ស្ទឹងមានជ័យទី០៣ ខណ្ឌមានជ័យ រាជធានីភ្នំពេញ។

យោងតាមបញ្ជាក់ពីប្រជាពលរដ្ឋបានឱ្យដឹងថា គាត់បានឃើញគ្រឿងចក្រស្ទូចលើកបេតុង ដើម្បីសង្កត់តាមមាត់ប្រឡាយជាធម្មតាដូចសពមួយដង។ ខណៈពេលកើតហេតុ បានបាក់ដងសន្ទូច ដែលកំពុងស្ទូចថ្មបេតុងទៅសង្កត់តាមមាត់ប្រឡាយបន្តទៀត ក៏ស្រាប់តែគ្រឿងចក្រផុងដីមួយចំហៀង បណ្ដាលឱ្យរលំគ្រឿងចក្រ និងដងស្ទូចប្រវែងប្រហែល៥០ម៉ែត្រសង្កត់មកលើសំយាបផ្ទះប្រជាពលរដ្ឋ និង ម៉ូតូបណ្ដាលឱ្យខូចខាត សំណាងល្អមិនបង្កគ្រោះថ្នាក់ដល់មនុស្សទេ។

បច្ចុប្បន្ន តំណាងក្រុមហ៊ុនបានមកធ្វើការសម្របសម្រួលដោះស្រាយសំណង ជាមួយពលរដ្ឋរងគ្រោះ និងបានឱ្យក្រុមជាងកាត់ដងស្ទូចយកចេញពីទីតាំងកើតហេតុ ដើម្បីធ្វើការជួសជុលឡើងវិញ៕

អត្ថបទ ៖ រដ្ឋា