សន្តិសុខសង្គម

មេឃក្ដៅពេក បុរសម្នាក់ ហក់ពីលើស្ពានជ្រោយចង្វារហែលទឹកឲ្យត្រជាក់ខ្លួន ផ្អើលសមត្ថកិច្ចមួយប៉ុស្តិ៍ចុះអន្តរាគមន៍

បានផុស

៤ នាទីutes មុន

នៅ

ថ្ងៃចន្ទ ២១ មេសា ២០២៥

ដោយ

បុរសម្នាក់ ដើរលើស្ពានក្ដៅខ្លាំងពេក ក៏ទុកអីវ៉ាន់ រួចលោតពីលើស្ពានជ្រោយចង្វារ ដើម្បីហែលទឹក ឲ្យត្រជាក់ខ្លួន បង្កការភ្ញាក់ផ្អើលដល់សមត្ថកិច្ចមួយប៉ុស្តិ៍ចុះអន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១២ ថ្ងៃត្រង់ ថ្ងៃទី ២១ ខែមេសា ឆ្នាំ ២០២៥ នៅចំណុចស្ពានមិត្តភាពកម្ពុជា-ជប៉ុន សង្កាត់ស្រះចក ខណ្ឌដូនពេញ រាជធានីភ្នំពេញ។

តាមការបញ្ជាក់ពីបុរសខាងលើបានឲ្យដឹងថា គាត់បានដើរពីរង្វង់មូលតាព្រហ្មដោយថ្មើរជើង ឆ្ពោះទៅលើស្ពាន។ បន្ទាប់មក ខណៈពេលមកដល់ខាងលើស្ពាន មានអារម្មណ៍ថាក្តៅខ្លាំងពេក ទើបគាត់ទុកកាតាប និង ស្បែកជើងមួយគូនៅលើស្ពាន រួចក៏លោតពីលើស្ពានចុះទៅក្រោមតែម្ដង បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ចុះអន្តរាគមន៍ រួមទាំងប្រជានេសាទចេញជួយផងដែរ។ បន្ទាប់ពីហក់ទឹករួច គាត់បានដើរពីក្រោមស្ពានឡើងមកលើគោកវិញដោយសុវត្ថិភាព។