កីឡា
អ្នកឈ្នះរវាងក្លិបវិសាខា និងLalenok United ប្តូរពីពូល I ទៅលេងពូល H វិញ ក្នុងពាន AFC Cup 2021
ក្រុមបាល់ទាត់ចំនួន២ ដែលមានឈ្មោះតំណាងឱ្យកម្ពុជា ចេញទៅប្រកួតក្នុងពានរង្វាន់ជើងឯកទ្វីបអាស៊ី AFC Cup 2021 មានបឹងកេត ក្នុងនាមជាម្ចាស់ជើងឯកពានរង្វាន់ Metfone Cambodian League 2020 និងក្រុមវិសាខា ជាម្ចាស់ជើងឯកពានរង្វាន់សម្តេចតេជោ ហ៊ុន សែន ឆ្នាំ២០២០ ស្របពេលដែលកម្មវិធីប្រកួតនៅក្នុងវគ្គជម្រុះនៃពានរង្វាន់នេះមានការប្រែប្រួលផ្លូវការ។
ចំពោះក្រុមបឹងកេត មិនមានការប្រែប្រួលទេ ដោយត្រូវឈរនៅក្នុងពូល G មានក្រុម Hanoi របស់វៀតណាម Bali United របស់ឥណ្ឌូណេស៊ី និងក្រុមដែលឈ្នះវគ្គជម្រុះរវាងក្រុម Chanthabouly របស់ឡាវ និងក្រុម Kasuka របស់ប្រ៊ុយណេ នៅថ្ងៃទី១៩ ខែឧសភា ឆ្នាំ២០២១ ខាងមុខ។ តែពូលនេះនៅមិនទាន់កំណត់ប្រទេសធ្វើជាម្ចាស់ផ្ទះនៅឡើយនោះទេ។
ចំណែកក្រុមវិសាខា វិញត្រូវប្រកួតជម្រុះ ដោយដំបូងឡើយ ការប្រកួតជម្រុះនេះ គឺបែងចែកជា ២ដំណាក់កាល ទី១-ការប្រកួតវគ្គជម្រុះបឋម-ជុំទី២ (Preliminary stage-Round 2) ហើយវិសាខា ត្រូវជួបក្លិប Lalenok United និង ទី២-ក្រុមដែលទទួលបានជ័យជម្នះក្នុងការប្រកួតដំណាក់កាលទី១ នឹងត្រូវឡើងទៅជួបក្លិប Persipura Jayapura FC របស់ឥណ្ឌូនេស៊ី ក្នុងវគ្គជម្រុះ Play-Off Stage ដើម្បីកំណត់ក្រុមឈ្នះឡើងទៅបង្គ្រប់កៅអីពូល H។
ប៉ុន្ដែដោយសារក្លិបបាល់ទាត់ចំនួន ២ របស់មីយ៉ាន់ម៉ា រួមមានក្លិប Shan United និងក្លិប Hantharwady United បានសម្រេចដកខ្លួនពីការប្រកួតនេះ ទើបសហព័ន្ធកីឡាបាល់ទាត់ទ្វីបអាស៊ី សម្រេចលុបកម្មវិធីវគ្គជម្រុះចោល ហើយឲ្យក្លិប Persipura Jayapura FC ឡើងវគ្គចែកពូល នៃពូល H ដោយស្វ័យប្រវត្តិតែម្ដង ជំនួសក្លិប Shan United រួមជាមួយ ៣ក្រុមផ្សេងទៀត គឺក្លិប Kedah Darul Aman FC (ម៉ាឡេស៊ី), Lion City Sailors FC (សិង្ហបុរី), និងក្លិប Saigon FC (វៀតណាម)។
ដូច្នេះការប្រកួតរវាងកីឡាបាល់ទាត់ វិសាខា និងក្លិប Lalenok United នៅសល់ការប្រកួតជម្រុះតែ ១ដំណាក់កាលប៉ុណ្ណោះ ដើម្បីស្វែងរកក្រុមឡើងវគ្គចែកពូល តែមិនមែនពូល H ទៀតឡើយ ដោយប្ដូរទៅប្រជែងកៅអីពូល I វិញ ដែលមានក្លិប Kaya FC-Illoilo (ហ្វីលីពីន), Terengganu FC (ម៉ាឡេស៊ី) និងក្លិប Geylang International (សិង្ហបុរី) កំពុងឈរចាំ ។
មកទល់នឹងពេលនេះសហព័ន្ធកីឡាបាល់ទាត់អាស៊ី នៅមិនទាន់មានការជូនដំណឹងច្បាស់លាស់ពីទីលាន និងម៉ោងប្រកួតរវាងវិសាខា ជាមួយក្លិប Lalenok United នាថ្ងៃទី១៩ ខែឧសភាខាងមុខ។
ពានរង្វាន់ AFC Cup ឆ្នាំគ្រោងធ្វើឡើងពីថ្ងៃទី៧ ខែមេសា ដល់ថ្ងៃទី២៦ ខែ វិច្ឆិកា ឆ្នាំ២០២១ ដោយមានប្រកួតជម្រុះ ៣វគ្គ មុនដល់វគ្គចែកពូល ហើយបន្តប្រកួតវគ្គជម្រុះតាមតំបន់ រួមមានអាស៊ីខាងត្បូង, អាស៊ីកណ្តាល, អាស៊ីខាងកើត និងអាស៊ីអាគ្នេយ៍ រហូតដល់វគ្គផ្ដាច់ព្រ័ត្រតែម្តង៕
ដោយ ៖ ម៉េង ហួរ
ប្រពៃណីសែនស្រូវឡើងជង្រុក របស់ជនជាតិដើមភាគតិចព្នង
ហុងគ្រីបញ្ជាក់ពីជំហរពង្រឹងទំនាក់ទំនងជាមួយកម្ពុជា ដោយឈរលើការគោរព និងជឿទុកចិត្តគ្នា
PanCake ថា បុគ្គលិកម្នាក់របស់ក្រុមហ៊ុនសេវាដឹកជញ្ជូនល្បីមួយ មាក់ងាយខ្លួនដោយសម្តីមិនសមរម្យ
រដ្ឋកំពុងជំរុញគ្រឹះស្ថានធនាគារ និងហិរញ្ញវត្ថុផ្តល់ឥណទានបន្ថែមដល់វិស័យកសិកម្ម
ហ្សេលេនស្គី ពិបាកចិត្ត ថា បើអាមេរិកផ្តាច់ជំនួយមែន អ៊ុយក្រែន មិនដឹងរស់បានឬអត់
តារាចិន វ័យ២៧ឆ្នាំ ស្លាប់ដោយសារជំងឺដូចគ្នាជាមួយ Barbie Hsu
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
តាមពិតបាត់មុខយូរ តួជំនាន់ចាស់ Chintara ប្រាប់ថា ចាញ់បោកលុយក្នុងជំនួញនៅ ថៃ-ចិន
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?