កីឡា​បាញ់កាំភ្លើង​ ពន្យារ​ការប្រកួត​ជើងឯក​ថ្នាក់​ជាតិ​ទៅ​ខែធ្នូ​វិញ – Kampuchea Thmey Daily
Connect with us

កីឡា

កីឡា​បាញ់កាំភ្លើង​ ពន្យារ​ការប្រកួត​ជើងឯក​ថ្នាក់​ជាតិ​ទៅ​ខែធ្នូ​វិញ

Published

on

ភ្នំពេញ ៖ ការប្រកួត​កីឡា​បាញ់កាំភ្លើង ជ្រើសរើស​ជើងឯក​ថ្នាក់​ជាតិ និង​ពានរង្វាន់​សហព័ន្ធ​កីឡា​បាញ់កាំភ្លើង​កម្ពុជា​ប្រចាំឆ្នាំ ២០២០ ដែល​គ្រោង​ប្រារព្ធ​ធ្វើ​នៅ​ថ្ងៃទី១៦ ដល់ ថ្ងៃទី​២០ ខែវិច្ឆិកា ឆ្នាំ​២០២០ នោះ ត្រូវ​បាន​ធ្វើ​ការ​ពន្យារ​ការប្រកួត​ហើយ។

នេះ​បើ​តាម​សេចក្តី​ជូនដំណឹង​របស់​សហព័ន្ធ​កីឡា​បាញ់កាំភ្លើង​កម្ពុជា​លេខ ០០២/២០ ស​.​ប​.​ក ចុះ​ថ្ងៃទី​១០ ខែ វិ​ច្ឆិកា​ឆ្នាំ​២០២០។ ការ​ពន្យារពេល​រៀបចំ​ការប្រកួត​កីឡា​បាញ់កាំភ្លើង​ជ្រើសរើស​ជើងឯក​ថ្នាក់ជាតិ និង​ពានរង្វាន់​សហព័ន្ធ​កីឡា​បាញ់កាំភ្លើង​កម្ពុជា​ប្រចាំឆ្នាំ ២០២០ ដែល​នឹង​គ្រោង​ធ្វើ​នៅ​ចុងខែ​វិច្ឆិកា​នេះ ត្រូវបាន​សហព័ន្ធ ពន្យល់ថា ដោយយោង​សេចក្តីប្រកាស​របស់​ក្រសួង​អប់រំ យុវជន និង​កីឡា ក៏​ដូច ជា​ក្រសួងសុខាភិបាល​ក្នុងការ​ការពារ និង​ទប់ស្កាត់​ការឆ្លង​រីក​រាលដាល​នៃ វីរុស​កូ​រ៉ូ​ណា ឬ ជំងឺ​កូ​វីដ​-១៩ សហព័ន្ធ​បា​នស ម្រេច​លើក​ការប្រកួត​ទៅធ្វើ​នៅ​ខែធ្នូ ឆ្នាំ ២០២០ ឬ​រង់ចាំ​ភាព​ស្ងប់ស្ងាត់ សហព័ន្ធ​នឹងធ្វើ​សេចក្តីជូនដំណឹង ស្តីពី​ការប្រកួត​នៅពេល​ក្រោយ​ទៀត​។

សូមបញ្ជាក់ថា លោក មៀ​ច សុផាន់​ណា ប្រធាន​សហព័ន្ធ​កីឡា​បាញ់កាំភ្លើង​កម្ពុជា សម្រាប់​អាណត្តិ​ថ្មី​នេះ បាន​ជំរុញ​មន្ដ្រី​ក្រោ ម​ឱវាទ ក្នុង​ការរៀបចំ​ការប្រកួត​ឲ្យ​បាន​ច្រើន​តាម​ដែល​អាច​ធ្វើបាន ដើម្បី​សម្រួច​សមត្ថភាព​កីឡាករ​-​កីឡាការិនី ឆ្ពោះទៅរក​ការប្រកួត​លើ​ឆាក​អន្ដរជាតិ ពិសេស​ស៊ី​ហ្គេម ឆ្នាំ​២០២៣ នៅ​កម្ពុជា​៕
ដោយ ៖ វិ​សិទ្ធ

ចុច Like Facebook កម្ពុជាថ្មី

ព័ត៌មានពេញនិយម