កីឡា
ស្វែងយល់ពីអតីតកីឡាករជម្រើសជាតិជប៉ុន Naotake Hanyu ដែលក្លឹបអង្គរថាយហ្គឺរ តែងតាំងជាទីប្រឹក្សារបស់ក្លឹប
ក្លឹបបាល់ទាត់អង្គរថាយហ្គឺរ (Angkor Tiger FC) សមាជិកលីគកំពូលកម្ពុជា Metfone Cambodian League បានប្រកាសតែងតាំងលោក Naotake Hanyu អតីតកីឡាករបាល់ទាត់ជម្រើសជាតិប្រទេសជប៉ុន ជាទីប្រឹក្សាក្លឹបចាប់ពីឆ្នាំ២០២១ តទៅ កាលពីពេលថ្មីៗ ខណៈតួនាទីនេះ លោកនឹងជួយជ្រោមជ្រែងក្លឹបលើការផ្ដល់យោបល់ផ្នែកបច្ចេកទេស ស្វែងរកកីឡាករ និងជួយផ្សព្វផ្សាយពីក្លឹបដល់អ្នកគាំទ្រនៅប្រទេសជប៉ុន។
លោក Yusuke Shinoda អ្នកចាត់ការក្លឹបអង្គរថាយហ្គឺរ បញ្ជាក់ប្រាប់អ្នកសារព័ត៌មានក្រោយ តែងតាំងក្បាលម៉ាស៊ីន ថ្មីនេះថា៖«គាត់ (Naotake Hanyu) នឹងជួយយើងលើការស្វែងរកកីឡាករ និងផ្ដល់ប្រឹក្សាលើបច្ចេកទេស ព្រមទាំងជួយផ្សព្វផ្សាយពីក្លឹបឲ្យគេស្គាល់កាន់តែច្រើននៅជប៉ុន។ គាត់ជាអតីតកីឡាករជម្រើសជាតិជប៉ុន និងធ្លាប់លេងជាមួយលោក Aki (ប្រធានក្លឹបអង្គរថាយហ្គឺរ បច្ចុប្បន្ន) កាលនៅជាសិស្សវិទ្យាល័យ។ សម្រាប់ខ្ញុំ ខ្ញុំពិតជាសប្បាយចិត្តដែលបានការរួមចំណែកពីគាត់ ដើម្បីអភិវឌ្ឍបាល់ទាត់នៅក្លឹបអង្គរថាយហ្គឺរ និងបាល់ទាត់កម្ពុជាទាំងមូល។ គាត់មានចំណេះដឹងច្រើនទាំងកីឡាករ និងគ្រូ ហើយក៏មានបណ្ដាញច្រើននៅជប៉ុន។ យើងសង្ឃឹមថា នឹងអាចកសាងអនាគតកាន់តែប្រសើរ ក្នុងការសហការជាមួយគាត់»។
ចំពោះលោក Naotake Hanyu មានវ័យ៤០ ឆ្នាំហើយ ដោយលោកធ្លាប់បានហ្វឹកហាត់ក្នុងក្រុមវិទ្យាល័យ Yachiyo High School ចន្លោះឆ្នាំ១៩៩៥ ដល់១៩៩៧ ហើយចាប់ពីឆ្នាំ១៩៩៨ ដល់២០០១ លោកបានចូលរួមក្នុងក្រុមសាកលវិទ្យាល័យ University of Tsukuba។ ក្នុងនាមជាខ្សែបម្រើបុរសកម្ពស់ ១,៦៧ម៉ែត្រ រូបនេះបានចុះកិច្ចសន្យាជាកីឡាករអាជីពចាប់ពីឆ្នាំ២០០២ ជាមួយក្រុម JEF United Ichihara កាលនោះជាសមាជិកលីគកំពូលជប៉ុន (J League) រហូតដល់ឆ្នាំ២០០៤។
ចាប់ពីឆ្នាំ២០១៥ ដល់២០១៧ រូបគេបានផ្ទេរទៅចូលរួមជាមួយក្រុមJEF United Chiba ដែលជាសមាជិកលីគកំពូលជប៉ុន នៅគ្រានោះ។ អំឡុងពេលចូលរួមក្រុមJEF United Chiba រូបគេក៏ជាផ្នែកមួយជួយក្រុមលើកពាន J.League Cup ឆ្នាំជាប់គ្នា គឺឆ្នាំ២០១៥ និង២០១៦ ផងដែរ។ ក្រោយមកចន្លោះឆ្នាំ២០០៨ ដល់២០១២ គេបានផ្ទេរទៅចូលរួមជាមួយក្រុម FC Tokyo ជាសមាជិកពានលីគកំពូលជប៉ុនដូចគ្នា។ នៅទីក្រុងតូក្យូ Naotake Hanyu បានជួយក្រុមឈ្នះជើងពាន Wmperor’s Cup 2011 ពានរង្វាន់ J.League Cup 2009 និងពាន J2 League 2011 ក្រោយក្រុមធ្លាក់ទៅលេងនៅពានលីគលំដាប់ទី២ នៅឆ្នាំ២០១១ នោះ។ នៅឆ្នាំ២០១៣ រូបគេបានទៅចូលរួមក្រុម Ventforet Kofu ម្តង ហើយក៏ត្រឡប់ទៅចូលរួមជាមួយក្រុម FC Tokyo វិញពីឆ្នាំ២០១៤ ដល់២០១៦ ហើយចុងក្រោយនៅឆ្នាំ២០១៧ រូបគេបានត្រឡប់ទៅបញ្ចប់អាជីពបាល់ទាត់វិញនៅក្រុមJEF United Chiba វិញគ្រា ដែលក្រុមធ្លាក់ទៅលេងនៅពានរង្វាន់លីគលំដាប់ទី២ J2 League ហើយក៏សម្រេចព្យួរស្បែកជើងតែម្តង ក្រោយបង្ហាញខ្លួនសរុបបាន៣៨៩ប្រកួត ព្រមទាំងទាត់បាល់បញ្ចូលទីបាន៣៤គ្រាប់។
ងាកមកកៅអីក្នុងក្រុមជម្រើសជាតិវិញ Naotake Hanyu ធ្លាប់បានកោះហៅចូលក្រុមជម្រើសជាតិបានចំនួន១៧ លើកនៅចន្លោះឆ្នាំ២០០៦ ដល់២០០៨ ហើយលោកក៏ជាផ្នែកមួយជួយក្រុមជម្រើសជាតិជប៉ុន ក្នុងបេសកកម្មប្រកួតជម្រុះពានជើងឯកទ្វីបអាស៊ី 2007 AFC Asian Cup qualification ក្នុងឆ្នាំ២០០៦ និងជួយក្រុមឈរចំណាត់ថ្នាក់លេខ៤ ក្នុងពានជើងឯកទ្វីបអាស៊ី2007 AFC Asian Cup ដែលប្រទេសឥណ្ឌូណេស៊ី ម៉ាឡេស៊ី ថៃ វៀតណាម សហការគ្នាធ្វើជាម្ចាស់ផ្ទះនៅឆ្នាំ ២០១៧៕
អត្ថបទ៖ ម៉េង ហួរ
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១៥ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ១ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង