កីឡា

ខេត្តព្រះសីហនុនិងខេត្តកំពត នឹងក្លាយជាទីលានប្រកួតកីឡាបាញ់កាំភ្លើង និងកីឡាប្រណាំងទូកប្រពៃណីខ្នាតអន្តរជាតិ

បានផុស

៣ years មុន

នៅ

ថ្ងៃសុក្រ ២១ ឧសភា ២០២១

ដោយ

គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ហៅកាត់ថា CAMSOC កំណត់យកខេត្តព្រះសីហនុនិងខេត្តកំពត ដើម្បីធ្វើជាទីលានប្រកួតប្រភេទកីឡាបាញ់កាំ ភ្លើងនិងប្រភេទកីឡាប្រណាំងទូកប្រពៃណីខ្នាតអន្តរជាតិ ទូកកានូ-កាយ៉ាក់ សម្រាប់ការទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេមឆ្នាំ២០២៣។

ថ្លែងក្នុងកិច្ចប្រជុំអនឡាញគណៈអចិន្ត្រៃយ៍ គណៈកម្មាធិការជាតិរៀបចំការប្រ កួតកីឡាអាស៊ីអាគ្នេយ៍ លើកទី៣២ ឆ្នាំ ២០២៣ លោកបណ្ឌិត ថោង ខុន អនុប្រធានអចិន្ត្រៃយ៍ CAMSOC បានចង្អុលបង្ហាញពីការរៀបចំការកំណត់ទីលានប្រកួតនៃប្រភេទកីឡាបាញ់កាំភ្លើង និងប្រភេទកីឡាទូកប្រពៃណីខ្នាតអន្តរជាតិ ទូកកានូ-កាយ៉ាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការ CAMSOC បានមានប្រសាសន៍ថា ក្រោយពិភាក្សាជាមួយសហព័ន្ធកីឡាជាតិទាំងពីរនេះរួចមក សហព័ន្ធទាំងពីរនេះបានឯក ភាពការកំណត់ទីលានប្រកួត ដោយទូកកានូ-កាយ៉ាក់ធ្វើនៅមជ្ឈមណ្ឌលកីឡាលើ ទឹករបស់គណៈកម្មាធិការជាតិអូឡាំពិកកម្ពុជានៅខេត្តកំពត។

រីឯទីតាំងបាញ់កាំភ្លើងវិញធ្វើនៅខេត្តព្រះសីហនុ ដែលសហព័ន្ធកីឡាបាញ់កាំភ្លើងកម្ពុជា ដឹកនាំដោយលោកនាយឧត្ដមសេនីយ៍ មៀច សុផាន់ណា ដែលកំពុងធ្វើកិច្ចការនេះយ៉ាងស្វាហាប់ ក្នុងការរៀបចំទីលានប្រកួតនេះ ជាមួយនឹងវិស័យឯកជន។ នេះគឺការកំណត់លើ២ប្រភេទកីឡាបន្ថែមទៀត នៃការកំណត់ទីតាំងប្រកួតលើគ្រប់ប្រភេទកីឡាទាំងអស់ ដើម្បីរៀបចំឱ្យបានរួចរាល់ឆ្ពោះទៅទទួលរៀបចំធ្វើជាម្ចាស់ផ្ទះការ ប្រកួតកីឡាស៊ីហ្គេម លើកទី៣២ ឆ្នាំ ២០២៣៕

អត្ថបទ៖ វិសិទ្ធ

សូមចុចអាន៖ លោក ភា សុភ័ក្ត្រា និង លោក អ៊ុក សុធីត្រូវបានតែងតាំងជាគ្រូជំនួយក្រុមបាល់ទាត់ជម្រើសជាតិកម្ពុជា

Related Topics:កីឡា