កីឡា

ប្រហែសមិនបានទេ! ទាំង Saemapetch និង Kulabdam សុទ្ធតែមានក្បាច់សម្លាប់ល្អៗរៀងខ្លួន

បានផុស

៤ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ជើងខ្លាំងថៃទម្ងន់ bantamweight ពីររូប Saemapetch Fairtex និង“Left Meteorite” Kulabdam Sor. Jor. Piek Uthaiនឹងឡើងប៉ះគ្នាព្រឹត្តិការណ៍ ONE: FULL BLAST ក្នុងនាមគូឯកនៅកីឡដ្ឋាន Singapore Indoor Stadium នា ថ្ងៃសុក្រស្អែកទី ២៨ ឧសភា ស្អែកននេះ។ ពួកគេសុទ្ធតែមានក្បាច់សម្លាប់រៀងៗខ្លួន។ តើស្នៀតទាំងនោះមានអ្វីខ្លះ? សូមតាមដានខាងក្រោម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kulabdam មានជំនាញឆ្វេងដ៏អស្ចារ្យបើហ៊ានប្រហែស “Left Meteorite” អាចប្រើកណ្ដាប់ដៃឆ្វេងដើម្បីបញ្ឈប់ Saemapetch ឲ្យចុះចាញ់គ្រប់វិនាទី។ “Left Meteorite” មានសមត្ថភាពបញ្ចេញកណ្ដាប់ដៃញាប់ៗមួយពីរ ,វ៉ៃខាវលើគូប្រកួត, វ៉ៃថ្ពក់, និង វៃ់កាត់ខាងលើបានល្អ។ គេអាចបើកឃុំ និងបញ្ឆោតឲ្យដៃគូធ្វេសប្រហែស។

វិធីដ៏មានប្រសិទ្ធភាពគឺម៉ាត់ចំចង្កាតាមរយៈកណ្ដាប់ដៃឆ្វេង និង វ៉ៃដងខ្លួនធ្វើឲ្យគូប្រកួតទម្លាក់ឃុំ។ ត្រង់នេះ គេមើលខាងលើលឿនៗដើម្បីវ៉ៃកណ្ដាប់ដៃចូលចំមុខតែម្ដង។ ជាក់ស្ដែង ដូច គេ បាន ផ្ដួល “The Million Dollar Baby” Sangmanee Klong SuanPluResort នៅសង្វៀន ONE: NO SURRENDER III ដែលគ្មាននរណាអាចជឿបានឡើយ។

Kulabdam ខ្លាំងខាងទាត់ក្រោម

បើសិន Kulabdam មិនអាចប្រើកណ្ដាប់ដៃលឿនៗទេ គេអាចបំបាក់គូប្រកួតដោយការទាត់ក្រោមសិន។

នេះជាស្នៀតដែលម្ចាស់ខ្សែក្រវាត់សង្វៀន Lumpinee Stadium ពីរសម័យធ្លាប់ធ្វើកន្លងទៅ។ ក្បាច់ទាត់ក្រោមរបស់គេពិតជាល្អខ្លាំងណាស់ មុននឹងប្រើកណ្ដាប់ដៃបំបាក់គូប្រកួត។ សិស្សគុនក្លិប Fairtex អាចនឹងរងគ្រោះថ្នាក់បើមិនបានគិតដល់នេះរឿង។ “Left Meteorite” អាចធ្វើឲ្យជើងក្រោមគូប្រកួតរបួសមែន នោះវាជារឿងល្អដែលឈានទៅប្រើកណ្ដាប់ដៃដើម្បីយកជ័យជម្នះ។

Saemapetch មានល្បឿនលឿន

ខណៈ Kulabdam មានកណ្ដាប់ដៃឆ្វេងដ៏សាហាវ និង ពិបាកទស្សន៍ទាយបាន Saemapetch គឺជាអ្នកជំនាញស្នៀតវ៉ៃចូលលឿនៗម្នាក់។ គេត្រូវការពារឲ្យល្អកុំឲ្យដៃគូវាយសន្លប់ដោយកណ្ដាប់ដៃ ហើយ បន្ទាប់មក គេអាចប្រើស្នៀតរបស់ខ្លួនដើម្បីផ្ដួលដៃគូវិញ។

កីឡាករមកពីក្លិប Fairtex មានស្នៀតប្រដាល់សកលល្អ និងដើរសំដៅដៃគូបានល្អថែមប្រយុទ្ធលឿនៗបានគ្រប់ពេល។

Saemapetch ជំនាញខាងគេច

គេជាកីឡាករម្នាក់ពូកែគេច និងធ្វើឲ្យដៃគូខកខានក្នុងការវ៉ៃចូលកណ្ដាប់ដៃ មុនគេវាយបកទៅវិញល្អណាស់។ Saemapetch អាចទប់ការទាត់ក្រោមបានល្អ ហើយបន្ទាប់មកគេអាចវាយបកដោយការទាត់ខាងលើវិញផង។ គេមិនឲ្យគូប្រកួតទាត់ស្មងងាយៗទេ និងវាយបកល្អដោយកណ្ដាប់ដៃទៅវិញ។