កីឡា

លោក ហែម គីរី៖ កីឡាករ-កីឡាការិនីហែលទឹក បន្តហ្វឹកហាត់ជាមួយគ្រូ ប្រសើរជាងហាត់តាមផ្ទះ

បានផុស

៤ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

លោក ហែម គីរី អគ្គលេខាធិការនៃសហព័ន្ធខ្មែរហែលទឹក បានមានប្រសាសន៍ថា ក្រោយក្រសួងអប់រំ យុវជន និងកីឡាផ្អាកការចេញ-ចូល ក្នុងបរិវេណពហុកីឡដ្ឋានជាតិអូឡាំពិក ជាបណ្ដោះអាសន្នការឆ្លងមេរោគCOVID-19 ក្រោយព្រឹត្តិការណ៍ ៣ វិច្ឆិកា លោកបានឲ្យកីឡាករ-កីឡាការិនីហ្វឹកហាត់ដដែល ក្រោមការការពារ និងប្រុងប្រយ័ត្នខ្ពស់ ដោយឲ្យហាត់នៅកន្លែងណាមានទីលានហាត់ត្រឹមត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ពួកយើងធ្វើការហ្វឹក ហាត់រាល់ពេលជាមួយលោកគ្រូ នៅលើគោក ដោយកីឡាករ-កីឡាការិនី មិនបានចុះហាត់ក្នុងទឹកឡើយ ហើយជាធម្មតាកីឡាករ-កីឡាការិនីហែលទឹកកន្លងមកបានខិតខំស្តារឡើងវិញ និងកំពុងមានការឈានឡើង ហើយឥឡូវត្រូវផ្អាកទៀត ប្រ សិនបើការសម្រាករយៈពេលខ្លីនោះ យើងក៏អាចស្តារដែរ។

លោកអគ្គលេខាធិការបន្ថែមទៀតថា ចំណែកកីឡាករ-កីឡាការិនីហែលទឹកមួយ ចំនួនដែលមកពីខេត្ត បន្តស្នាក់នៅក្នុងពហុកីឡដ្ឋានជាតិប្រកបដោយ ការប្រុងប្រយ័ត្នខ្ពស់ដែរ មិនអនុញ្ញាតឲ្យចេញក្រៅឡើយ និងមានឱកាសហ្វឹកហាត់ ក្នុងទឹកព្រមទាំងមានលោកគ្រូបង្វឹកគ្រប់គ្រង។ យើងមិនចង់ឲ្យអត្តពលិកទាំងនោះ ហាត់តាមផ្ទះ ព្រោះសកម្មភាពហាត់តាមផ្ទះគាត់ធ្វើមិនបានគ្រប់គ្រាន់ឡើយ ដូច្នេះត្រូវហាត់ជាមួយគ្រូ ដើម្បីរក្សាកម្លាំងពួកគាត់ឲ្យប្រសើរជាជាងហាត់តាមផ្ទះ៕

អត្ថបទ៖ វិសិទ្ធ

សូមចុចអាន៖ ការប្រកួតកីឡាសិស្សបឋមសិក្សាថ្នាក់ជាតិលើកទី១ ឆ្នាំ២០២០ ត្រូវលើកទៅខែធ្នូវិញ

Related Topics:កីឡាហែលទឹក