កីឡា
កម្ពុជាត្រៀមផែនការលម្អិត ក្នុងការសម្តែងនិងការទទួលទង់ស៊ីហ្គេមឆ្នាំ២០២៣
គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ហៅកាត់ គ.ជ.ប.អ (CAMSOC) បានត្រួតពិនិត្យវឌ្ឍនភាពការងាររៀបចំពិធីសម្តែង និងទទួលទង់ស៊ីហ្គេម ពីពិធីបិទរបស់ម្ចាស់ផ្ទះស៊ីហ្គេម ចុងឆ្នាំ២០២១ មកស៊ីហ្គេមលើកទី៣២ និងអាស៊ានប៉ារ៉ាហ្គេម ឆ្នាំ២០២៣នៅកម្ពុជា យ៉ាងហ្មត់ចត់បំផុត។
លោក វ៉ាត់ ចំរើន អគ្គលេខាធិការ CAM SOC មានប្រសាសន៍ក្រោយបញ្ចប់កិច្ច ប្រជុំត្រួតពិនិត្យវឌ្ឍនភាពការងារនេះដោយផ្ទាល់ និងអនឡាញ នៅព្រឹកថ្ងៃទី ២២ ខែ មិថុនា ឆ្នាំ២០២១ ក្រោមអធិបតីភាពលោ កបណ្ឌិត ថោង ខុន រដ្ឋមន្ត្រីក្រសួង ទេសចរណ៍ និងជាអនុប្រធានអចិន្ត្រៃយ៍ CAM SOCឲ្យដឹងថា កម្ពុជាយើងបានត្រៀមនូវផែនការលម្អិតនៃការសម្តែង និងការទទួលទង់ស៊ីហ្គេមឆ្ពោះមកកម្ពុជា ដោយក្នុងនោះយើងត្រៀមរៀបចំសម្តែងសិល្បៈ វប្បធម៌ កីឡា ដើម្បីឲ្យសក្ដិសមជាប្រទេស ដែលមានអរិយធម៌ល្អ និងបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជាទៅលើវិស័យកីឡា។
លោកក៏បានបញ្ជាក់ជំហរយ៉ាងរឹងមាំជាថ្មីផងដែរ គឺការទទួលធ្វើស៊ីហ្គេម និងអាស៊ានប៉ារ៉ាហ្គេមនៅកម្ពុជា នៅតែធ្វើតាមលំដាប់ លំដោយនៃកាលបរិច្ឆេទ ដែលបានកំណត់រួចហើយ នៅក្នុងខែមិថុនា ឆ្នាំ២០២៣ បើទោះបីជាម្ចាស់ផ្ទះស៊ីហ្គេម លើកទី៣១ ឆ្នាំ២០២១ មានបំណងចង់លើកពេលទៅឆ្នាំ២០២២ ឬពន្យាររយៈពេលវែងរំលងស៊ីហ្គេម ឆ្នាំ២០២៣របស់កម្ពុជា ទៅឆ្នាំ២០ ២៥ ឬឆ្នាំ២០២៧ យ៉ាងណាក្តី។
លោក វ៉ាត់ ចំរើន បញ្ជាក់ឲ្យដឹងផងដែរថា ពិធីសម្តែងរបស់កម្ពុជាមានរយៈពេល ១០នាទី ហើយកម្ពុជានឹងសម្តែងបង្ហាញពីវប្បធម៌ ទេសចរណ៍ ការរីកចម្រើនរបស់កម្ពុជា និងការរីកចម្រើននៃវិស័យកីឡាដូចជាហេដ្ឋារចនាសម្ព័ន្ធកីឡាជាដើម ។ នៅក្នុងនោះដែរ កម្ពុជាយើងក៏នឹងបង្ហាញពីការត្រៀមខ្លួនបានរួចរាល់ផងដែរ ដោយរង់ចាំតែទទួលស្វាគមន៍យ៉ាងកក់ក្តៅរបស់ភ្ញៀវស៊ីហ្គេមប៉ុណ្ណោះ។ ដូច្នេះនៅក្នុងចំណុចសំខាន់ៗចំនួន៣នេះ គឺយើងបានបូកបញ្ជូលគ្នាឲ្យទៅជាទស្សនីយភាពមួយ ដែលមានទាំងការសម្តែងរបាំ ចម្រៀង ក្បាច់គុនល្បុក្កតោ។
ទស្សនីយភាពសម្តែងនេះ ត្រូវបានលោកបណ្ឌិត ថោង ខុន ពិនិត្យយ៉ាងយកចិត្តទុក ដាក់លើក្រុមជំនាញរបស់យើង គឺខាងផ្នែកក្រសួង វប្បធម៌ និងវិចិត្រសិល្បៈ បានប្រមែលប្រមូលបណ្ឌិត សាស្ត្រាចារ្យជំនាញៗ ដើម្បីធ្វើយ៉ាងណាឲ្យការសម្តែងមួយនេះទទួលបាននូវអត្ថន័យកាន់តែស៊ីជម្រៅ និងមានភាពទាក់ទាញបំផុត។ លោកអគ្គលេខាធិការបន្ថែមទៀតថា នៅក្នុងពិធីសម្តែងនេះ ថ្វីដ្បិតតែមានរយៈពេលខ្លីពិតមែន ប៉ុន្តែធ្វើយ៉ាងណាឲ្យរបៀបរបបនៃពិធីសម្តែងនេះទាក់ទាញឲ្យគេចង់មកចូលរួមស៊ីហ្គេម និងអាស៊ានប៉ារ៉ាហ្គេម នៅកម្ពុជា ហើយបើកាលណាគេចូលរួមគាំទ្រស៊ីហ្គេមរបស់យើង នោះស៊ីហ្គេមរបស់កម្ពុ ជាយើងនឹងទទួលបានជោគជ័យជាក់ជាមិនខាន៕
អត្ថបទ៖ វិសិទ្ធ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
គម្រោងសាងសង់ស្ពានលេខ ៣១ ស្រុកស្អាង រួចរាល់មុនចូលឆ្នាំខ្មែរ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ