អង់គ្លេស ទម្លាក់អាល្លឺម៉ង់ហើយ ធ្វើបានកំណត់ត្រាមួយទៀត

នៅទីបំផុត ក្រុមតោកំណាចអង់គ្លេស បានទម្លាក់ឥន្ទ្រីដែក​​ អាល្លឺម៉ង់ ចេញពីពានរង្វាន់បាល់ទាត់ទ្វីបអឺរ៉ុប ត្រឹមវគ្គ១៦ក្រុមចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជ័យជម្នះ ២-០ លើអាល្លឺម៉ង់យប់មិញ ធ្វើឲ្យអង់គ្លេស បង្កើតកំណត់ត្រាមួយ ពោលគឺជាជ័យជម្នះវគ្គចាញ់ធ្លាក់លើកដំបូងដែលអង់គ្លេសធ្វើបានក្នុងរយៈពេលប្រកួត​ ៩០នាទី ដោយគ្មានការបន្ថែមម៉ោងឬទាត់បាល់ប៉េណាល់ទី ចាប់តាំងពីឆ្នាំ១៩៦៨មក។

ការប្រកួតតង់ទី១ ក្រុមទាំងពីរមិនអាចបំប៉ោងសំណាញ់ទីរបស់គ្នាបានឡើយ។ ប៉ុន្តែនៅ១៥នាទីចុងក្រោយនៃតង់ទី២ អង់គ្លេស រកបានដល់ទៅ២គ្រាប់ ដោយ Raheem Sterling រកបាននៅនាទីទី៧៥ និង Harry Kane នៅនាទីទី៨៦។

ចំណែកឯការប្រកួតមួយគូទៀត អ៊ុយក្រែន ក៏បានឡើងទៅកាន់វគ្គ៨ក្រុមចុងក្រោយដែរ បន្ទាប់ពីយកឈ្នះស៊ុយអែត នៅម៉ោងបន្ថែម១៥នាទី២ដង ក្នុងលទ្ធផល ២-១។

វគ្គ៨ក្រុមចុងក្រោយ

ស្វីស vs អេស្ប៉ាញ             (ថ្ងៃ២ កក្កដា ម៉ោង ២៣:០០)

ប៊ែលហ្សិក​ vs អ៊ីតាលី         (ថ្ងៃ២ កក្កដា ម៉ោង ០២:០០)

ឆែក vs​ ដាណឺម៉ាក             (ថ្ងៃ៣ កក្កដា ម៉ោង ២៣:០០)

អ៊ុយក្រែន vs អង់គ្លេស        (ថ្ងៃ៣ កក្កដា ម៉ោង ០២:០០)

ដោយ៖ Vann Vann

ចុចអាន៖ Messi បំបែកកំណត់ត្រាមួយ នៅជម្រើសជាតិ អាហ្សង់ទីន