កីឡា

អាជ្ញាកណ្តាលមានជាងគេបំផុតលើលោក Bjorn Kuipers នឹងកាត់សេចក្ដីវគ្គផ្ដាច់ព្រ័ត្រយូរ៉ូ រវាងអង់គ្លេស និងអ៊ីតាលី

បានផុស

៤ years មុន

នៅ

ថ្ងៃសុក្រ ៩ កក្កដា ២០២១

ដោយ

UEFA បានបញ្ជាក់ថា លោក Bjorn Kuipers ដែលត្រូវបានគេចាត់ទុកថាជា “អាជ្ញាកណ្តាលមានជាងគេបំផុតនៅលើពិភពលោក” នឹងធ្វើការកាត់សេចក្ដីក្នុងការប្រកួតវគ្គផ្តាច់ព្រ័ត្រយូរ៉ូ ឆ្នាំ ២០២០ រវាងអង់គ្លេស និងអ៊ីតាលី នាថ្ងៃអាទិត្យនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវគ្គពាក់កណ្ដាលផ្ដាច់ព្រ័ត្រ អង់គ្លេសបានបំបាក់ដាណឺម៉ាក ២-១ ខណៈអ៊ីតាលីបានយកឈ្នះអេស្ប៉ាញ ដោយការកាត់សេចក្ដីទាត់បាល់ពិន័យ ១១ ម៉ែត្រ ។

ចំណែកការប្រកួតផ្ដាច់ព្រ័ត្ររវាងអង់គ្លេស និងអ៊ីតាលី លោកអាជ្ញាកណ្ដាល Bjorn Kuipers នឹងត្រូវបំពេញភារកិច្ចកាត់សេចក្ដីក្នុងការប្រកួតនេះ ហើយនឹងក្លាយជាការប្រកួតវគ្គផ្តាច់ព្រ័ត្រក្នុងក្របខ័ណ្ឌ UEFA លើកទី ៧ របស់គាត់ផងដែរ ។

ទន្ទឹមនោះ លោក Bjorn Kuipers នឹងអមដោយអាជ្ញាកណ្ដាលខ្សែបន្ទាត់ ២ រូបទៀត ដែលមានសញ្ជាតិហូឡង់ដូចគ្នាដូចជា លោក Sander van Roekel និងលោក Erwin Zeinstra ខណៈលោក Carlos Del Cerro Grande សញ្ជាតិអេស្ប៉ាញជាមន្រ្តីទីបួន ហើយលោក Bastian Dankert សញ្ជាតិអាល្លឺម៉ង់ ជាអាជ្ញាកណ្តាលជំនួយការវីដេអូ (VAR) ។

បន្ថែមពីនេះ លោក Kuipers ក៏បានធ្វើការកាត់សេចក្ដីការប្រកួតចំនួន ៣ លើករួចមកហើយផងដែរនៅព្រឹត្តិការណ៍យូរ៉ូ ឆ្នាំ ២០២០ នេះ ពោលក្នុងការប្រកួតវគ្គចែកពូលរវាងដាណឺម៉ាក និងបែលហ្ស៊ិក, អេស្ប៉ាញទល់នឹងស្លូវ៉ាគី ព្រមទាំងការប្រកួតវគ្គ ៨ ក្រុមចុងក្រោយរវាងសាធារណរដ្ឋឆែក និងដាណឺម៉ាក ។

គួរបញ្ជាក់ថា មន្ត្រីអាជ្ញាកណ្ដាលសញ្ជាតិហូឡង់រូបនេះ ត្រូវបានគេរាយការណ៍ថាមានតម្លៃខ្លួនប្រហែល ១១.៥ លានផោន ក្នុងការកាត់សេចក្ដីបាល់ទាត់យូរ៉ូ ឆ្នាំ ២០១៦ ៕