កីឡា

ជប៉ុនរកឃើញករណីឆ្លងកូវីដដំបូងនៅភូមិកីឡាអូឡាំពិក

បានផុស

៣ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

ប្រទេសជប៉ុនបានរកឃើញករណីឆ្លងកូវីដ-១៩លើកដំបូងនៅភូមិកីឡាដែលជាមណ្ឌលស្នាក់នៅរបស់គណៈប្រតិភូកីឡាជម្រើសជាតិនានាមកពីទូទាំងពិភពលោកសម្រាប់ការចូលរួមប្រកួតព្រឹត្តិការណ៍កីឡាអូឡាំពិករដូវក្តៅនៅជប៉ុន។

សម្រាប់ការរកឃើញលើកដំបូងនៅភូមិកីឡានេះបានធ្វើឲ្យអ្នកឆ្លងកូវីដ-១៩ពាក់ព័ន្ធនឹងកីឡាអូឡាំពិក១៤នាក់បន្ថែមទៀតគិតចាប់តាំងពីថ្ងៃទី១ ខែកក្កដា និងសរុបតួលេខឡើងដល់៤៤នាក់ មុនពេលមិនដល់មួយសប្តាហ៍ផងការបើកព្រឹត្តិការណ៍អូឡាំពិកជាផ្លូវការនាថ្ងៃទី២៣ ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មាធិការអូឡាំពិកតូក្យូ២០២០ បាននិយាយថា អ្នកដែលពាក់ព័ន្ធត្រូវបានដាក់ឲ្យធ្វើចត្តាឡីស័ក១៤ថ្ងៃ។

ក្នុងចំណោមឆ្លង១៣នាក់ផ្សេងទៀត មាន៤នាក់ជាបុគ្គលិកពាក់ព័ន្ធនឹងការរៀបចំព្រឹត្តិការណ៍កីឡាដែលត្រូវបានបញ្ជាក់ថា អ្នកទាំងនោះពាក់ព័ន្ធនឹងគណៈកម្មាធិការអូឡាំពិកអន្តរជាតិ គណៈកម្មាធិការប៉ារ៉ាឡាំពិកអន្តរជាតិ ស្ថាប័នក្រៅរដ្ឋាភិបាល ដៃគូ និងសមាជិកប្រព័ន្ធផ្សព្វផ្សាយជាដើម។

កាលពីថ្ងៃសុក្រ ម្សិលមិញ ទីក្រុងតូក្យូមានករណីឆ្លងកូវីដ-១៩ចំនួន ១២៧១នាក់ដែលជាសញ្ញាឆ្លងខ្ពស់២៧ថ្ងៃជាប់គ្នា។

ហោចណាស់មានអត្តពលិក៥នាក់ហើយធ្វើតេស្តរកឃើញកូវីដ-១៩ចាប់តាំងពីក្រុមជម្រើសជាតិមួយចំនួនបានទៅដល់ប្រទេសជប៉ុនដើម្បីត្រៀមខ្លួនព្រឹត្តិការណ៍កីឡាអូឡាំពិករដូវក្តៅនាពេលដ៏ខ្លីខាងមុខ៕