កីឡា
ប្រធានNOCC អញ្ជើញលើកទឹកចិត្ត ជូនដំណើរក្រុមប្រតិភូ និងអត្តពលិកកម្ពុជា ចេញទៅប្រកួត នៅប្រទេសជប៉ុន
លោកបណ្ឌិត ថោង ខុន ប្រធានគណៈកម្មាធិការជាតិអូឡាំពិកកម្ពុជា (NOCC) បានអញ្ជើញផ្តល់កិត្តិយស នៅក្នុងពិធីសំណេះសំណាលជូនដំណើរ និងលើក ទឹកចិត្តដល់ប្រតិភូ និងអត្តពលិកអូឡាំពិកកម្ពុជា នៅទីស្នាក់ការនាព្រឹកថ្ងៃទី១៩ ខែកក្កដា ឆ្នាំ២០២១ មុនប្រតិភូនិងអត្តពលិកកម្ពុជាត្រូវចេញដំណើរទៅប្រទេសជប៉ុន នាព្រឹកថ្ងៃទី២០ ខែកក្កដាស្អែកនេះ ចូលរួមប្រកួតកីឡាអូឡាំពិក ឆ្នាំ២០២០ ចាប់ពីថ្ងៃទី២៣ ខែកក្កដា ដល់ថ្ងៃទី៨ ខែសីហា ឆ្នាំ២០២១។
ថ្លែងក្រោយបញ្ចប់ពិធីសំណេះសំណាល លោក វ៉ាត់ ចំរើន អគ្គលេខាធិការ NOCC ទទួលបន្ទុកនាយបេសកកម្ម ដែលត្រូវដឹកនាំប្រតិភូ កីឡាករ កីឡាការិនីកម្ពុជាលើ២ប្រភេទកីឡា គឺអត្តពលកម្ម និងហែលទឹកចូលរួមប្រកួតកីឡាអូឡាំពិកនេះមានប្រសាសន៍ថា លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការជាតិអូឡាំពិកកម្ពុជា និងជាអនុប្រធានអចិន្ត្រៃយ៍នៃគណៈកម្មការរៀបចំការប្រកួតកីឡាស៊ីហ្គេម ឆ្នាំ២០២៣ (CAMSOC) បានក្រើនរំលឹកនូវអ្វីដែលជាការហាមឃាត់រួចរាល់ ក្នុងបរិបទថ្មីនៃការការពារកូវីដ-១៩នេះនៅក្នុងដំណើរចេញ ទៅដល់កន្លែងហើយការត្រឡប់មកវិញឲ្យមានសុវត្ថិភាព។
លោកបណ្ឌិត ថោង ខុន ក៏បានលើក ទឹកចិត្តយ៉ាងកក់ក្តៅបំផុត ដោយក្រុមកីឡាករ កីឡាការិនី គ្រូបង្វឹក ត្រូវខិតខំប្រឹងប្រែងឲ្យអស់ពីលទ្ធភាព ដើម្បីឲ្យការប្រកួតតំណាងឲ្យជាតិនាពេលនេះ ទទួលបានជោគជ័យ។ លោកបញ្ជាក់ថា យើងដឹងហើយថា យើងទៅពេលនេះ គឺយើងទៅក្នុងនាមជាសមាជិកនៃគណៈកម្មការជាតិអូឡាំពិកនៃគណៈកម្មការអូឡាំពិកអន្តរជាតិ ដែលមានកាតព្វកិច្ចប្រទេសមួយមួយជាសមាជិក ត្រូវតែបញ្ជូនកីឡាករទៅចូលរួមប្រកួតនឹងបញ្ជូនតំណាងរបស់ខ្លួនចូលរួម។ ការប្រកួតអូឡាំពិករៀងរាល់៤ឆ្នាំម្តងនេះ គឺសមាជិកត្រូវតែមានវត្តមាន នៅក្នុងពេលប្រកួតអូឡាំពិកនេះ។
លោកបណ្ឌិតបានមានប្រសាសន៍ថាក្រៅពីការចូលរួមដើម្បីលើកទឹកចិត្តដល់ម្ចាស់ផ្ទះផង គឺចូលរួមដើម្បីប្រយុទ្ធប្រឆាំងនឹងការរីករាលដាលជំងឺកូវីដ-១៩ផង ហើយចូលរួមដើម្បីលើកទង់ជាតិកម្ពុជា និងជាសមាជិកថ្មីអូឡាំពិកចលនាអូឡាំពិកអន្តរជាតិ។ ទង់ជាតិយើងនៅទីនោះផង យើងមានការបង្ហាញជាការហែក្បួន ចូលរួមប្រកួតនៅក្នុងពិធីបើកមានទង់ជាតិ មានកី ឡាករ មានប្រតិភូរបស់យើងផងដែរ ហើយអ្វីមួយដែលយើងចង់បានពីការប្រកួតលើកនេះ បើទោះបីជាការប្រកួតលើកនេះយើងមានការបារម្ភមួយចំនួនអំពីការចូលរួម អំពី ការឆ្លងរីករាលក៏ដោយ ក៏ប៉ុន្តែយើងត្រូវតែចូលរួមជាដាច់ខាតជាកាតព្វកិច្ច ដើម្បីធ្វើយ៉ាងណាឲ្យចលនាអូឡាំពិកយើងបានភ្ជាប់ជាមួយនឹងចលនាអូឡាំពិកអន្តរជាតិជារៀងរាល់បួនឆ្នាំម្ដងនេះ។
លោក វ៉ាត់ ចំរើន បន្ថែមទៀតថា លោកបណ្ឌិត ថោង ខុន ជំរុញឲ្យអត្តពលិកកម្ពុជាត្រូវតែប្រឹងប្រែងធ្វើយ៉ាងណាឲ្យការប្រកួតឲ្យបានចាប់ផ្តើមប្រកបទៅដោយសេចក្ដី ថ្លៃថ្នូរ គោរពបទបញ្ជាការប្រកួត គោរពម្ចាស់ផ្ទះ ព្រមទាំងគោរពការវិនិច្ឆ័យរបស់អាជ្ញាកណ្តាល-ចៅក្រម ដែលធ្វើឲ្យយើងទាំងអស់គ្នាស័ក្ដិសមជាប្រទេស ដែលមានសន្ដិភាព អរិយធម៌ល្អ មានសុជីវធម៌ល្អជាខ្មែរ ដែលគោរពចំពោះគោលការណ៍របស់កីឡាអន្តរជាតិ ដែលជាស្តង់ដារ ត្រូវគោរពទាំងអស់គ្នាទូទាំងពិភពលោក។ អ្វីដែលសំខាន់សម្រាប់ប្រតិភូយើង គឺទៅដល់កន្លែងត្រូវខិតខំរៀបចំខ្លួនឲ្យមានសុវត្ថិភាពល្អ ក្នុងការចូលរួម និងការវិលត្រឡប់មក វិញប្រកបដោយសុវត្ថិភាព។ ចំពោះរឿងការដណ្តើមយកមេដាយ ឬក៏យកជ័យលាភីយើងឃើញថា សម្រាប់យើងនៅឆ្ងាយពីកម្រិតអូឡាំពិកពិភពលោកនេះ ហើយយើងសង្ឃឹមថា ក្រុមកីឡាករ កីឡាការិនីជម្រើសជាតិកម្ពុជានឹងអាចបំបែកកម្មខ្លួន ឯង។
ក្រុមកីឡាករ កីឡាការិនី គ្រូបង្វឹក បានសម្តែងនូវអំណរគុណយ៉ាងជ្រាលជ្រៅបំផុតជូនចំពោះ លោកបណ្ឌិត ថោង ខុន ដែលក្រៅអំពីផ្តល់អនុសាសសន៍ណែនាំលើក ទឹកចិត្តប្រកបដោយភាពកក់ក្តៅបំផុតនោះ លោកក៏បានផ្តល់ថវិកាឧបត្ថម្ភ ក្នុងម្នាក់ៗ ៦០០ដុល្លារអាមេរិកផងដែរ។ ជាមួយគ្នានោះ លោក ថោង ខុន ក៏ថ្លែងអំណរគុណយ៉ាងជ្រាលជ្រៅផងដែរ ចំពោះក្រសួងអប់រំ យុវជន និងកីឡា តាមរយៈលោក អ៊ុក សិទ្ធិជាតិ អគ្គនាយកកីឡា ដែលបានឧបត្ថម្ភលើថ្លៃសំបុត្រយន្តហោះ និងការដោះស្រាយលើប្រាក់ហោប៉ៅ បានទាន់ពេលវេលា ដែលនេះគឺជាការផ្តល់នូវភាពកក់ក្តៅបន្ថែមទៀត ដល់ក្រុមប្រតិភូ អត្តពលិកកម្ពុជាយើង ដោយលោកនាយបេសកកម្មបានចាត់ទុកថា ទាំងអស់នេះ គឺជាកាយវិការយកចិត្តទុកដាក់យ៉ាងខ្ពង់ខ្ពស់របស់ថ្នាក់ ដឹកនាំទាំងពីរ គឺគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា ក្នុងការបំប៉នចិត្តសាស្ត្រកីឡា សម្រាប់អត្តពលិកកម្ពុជា ក្នុងបេសកកម្មថ្មីជាប្រវត្តិ សាស្ត្រ ក្នុងព្រឹត្តិការណ៍កីឡាអូឡាំពិកនៅ ប្រទេសជប៉ុននេះ៕
អត្ថបទ៖ វិសិទ្ធ
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ