កីឡា

ប្រដាល់មួយថៃចូលអូឡាំពិកផ្លូវការហើយ

បានផុស

៤ years មុន

នៅ

ថ្ងៃពុធ ២១ កក្កដា ២០២១

ដោយ

គណៈកម្មាធិការអូឡាំពិកអន្តរជាតិ (IOC) បានទទួលស្គាល់ក្បាច់គុនប្រដាល់«មួយថៃ» និង«សហព័ន្ធអន្តរជាតិនៃសមាគមកីឡាប្រដាល់មួយថៃ(IFMA)»ជាផ្លូវការហើយនៅក្នុងកិច្ចប្រជុំ IOC លើកទី១៣៨នៅទីក្រុងតូក្យូ ប្រទេសជប៉ុន។

ក្នុងការសម្រេចនេះទទួលបានការគាំទ្រពីបណ្តាប្រទេសផ្សេងៗជាច្រើនដើម្បីជំរុញឲ្យកីឡាប្រដាល់មួយថៃចាប់ផ្តើមជាកីឡាផ្លូវការក្នុងព្រឹត្តិការណ៍កីឡាអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២០ ខែកក្កដា ឆ្នាំ២០២១ លោក Thomas BACH ប្រធានគណៈកម្មាធិការអូឡាំពិកអន្តរជាតិបានធ្វើជាប្រធានមហាសន្និបាតនៃគណៈកម្មាធិការអូឡាំពិកអន្តរជាតិនៅតូក្យូ។ កិច្ចប្រជុំនេះមានវត្តមានលោកស្រី Khunying Patama Leeswatrakul ដែលជាសមាជិកគណៈកម្មាធិការអូឡាំពិកអន្តរជាតិក៏បានចូលរួមប្រជុំដែរ។

ក្នុងរបៀបវារៈដ៏សំខាន់ មហាសន្និបាតនៃគណៈកម្មាធិការអូឡាំពិកអន្តរជាតិលើកទី១៣៨ដែលមានប្រទេសជាតិសមាជិក១៤៦បានបោះឆ្នោតទទួលស្គាល់សហព័ន្ធអន្តរជាតិនៃសមាគមកីឡាប្រដាល់មួយថៃពេញលេញជាផ្លូវការ។

ការបោះឆ្នោតទទួលស្គាល់ជាផ្លូវការនេះបានត្រួសត្រាយផ្លូវឲ្យប្រដាល់មួយថៃត្រូវបានដាក់បញ្ចូលក្នុងព្រឹត្តិការណ៍កីឡាអូឡាំពិក។

ជាមួយគ្នានេះសហ័ន្ធកីឡាផ្សេងៗមួយចំនួនទៀតក៏ត្រូវបានទទួលស្គាល់ជាផ្លូវការដែរដូចជា សហភាពលើកទឹកចិត្តអន្តរជាតិ (ICU), សហព័ន្ធកីឡាសំាំបូអន្តរជាតិ សហព័ន្ធកីឡា Icestocksport អន្តរជាតិ សមាគមពិភពលោកនៃអង្គការប្រដាល់ឃីកបុកសីង (WAKO) និងកីឡា Lacrosse ពិភពលោក (WL)។

មុនពេលត្រូវបានអូឡាំពិកទទួលស្គាល់ជាផ្លូវការពេញលេញនេះ ប្រដាល់មួយថៃបានពង្រីកខ្លួនលើឆាកអន្តរជាតិរាប់ឆ្នាំមកហើយ។ សហព័ន្ធប្រដាល់មួយថៃអន្តរជាតិបង្កើតឡើងនៅឆ្នាំ១៩៩២ និងដាក់ស្នើសុំទៅគណៈកម្មាធិការអន្តរជាតិជាផ្លូវការនៅឆ្នាំ២០១២ ហើយទទួលស្គាល់ជាផ្លូវការនៅថ្ងៃទី២០ ខែកក្កដា៕