កីឡា

ព្រឹកនេះ ម្ចាស់ផ្ទះជប៉ុនប្រជែងបានមេដាយកំពូលតារាងជាបណ្ដោះអាសន្ន នៅកីឡាអូឡាំពិក

បានផុស

៤ years មុន

នៅ

ថ្ងៃពុធ ២៨ កក្កដា ២០២១

ដោយ

ម្ចាស់ផ្ទះជប៉ុននៅព្រឹកថ្ងៃទី២៨កក្កដានេះ គិតត្រឹមម៉ោង១០កន្លះព្រឹក ប្រជែងបានមេដាយក្នុងព្រឹត្តិការណ៍កីឡាអូឡាំពិកនៅលើកំពូលតារាងជាបណ្ដោះអាសន្នវិញហើយ ដែលកាលពីម្សិលមិញជប៉ុនថិតនៅលំដាប់លេខ៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍អូឡាំពិករដូវក្ដៅលើកនេះ ប្រទេសចំនួន៣កំពុងប្រជែងគ្នា យកតំណែងកំពូលតារាងគឺជប៉ុន ចិន និងសហរដ្ឋអាមេរិក តែសម្រាប់ព្រឹកថ្ងៃទី២៨កក្កដានេះ មេដាយរបស់ជប៉ុនស្ថិតនៅពីលើគេ។ ជប៉ុន ដែលជាម្ចាស់ផ្ទះបានឈ្នះមេដាយសរុបបានចំនួន ១៨គ្រឿង។ ក្នុងនោះ មេដាយមាស ១០គ្រឿង ប្រាក់៣គ្រឿង និងសំរឹទ្ធ ៥គ្រឿង តាមពីក្រោយ អាមេរិកដែលឈរនៅលំដាប់ទី២ បានឈ្នះមេដាយ ២៥គ្រឿង ក្នុងនោះ មាស៩គ្រឿង ប្រាក់៨គ្រឿង និងសំរឹទ្ធ៨គ្រឿង ចំពោះប្រទេសចិន ដែលឈរនៅចំណាត់ថ្នាក់លេខ ៣ នោះប្រជែងបានមេដាយមាស៩គ្រឿង ប្រាក់៥គ្រឿង និងសំរិទ្ធ៧ គ្រឿងសរុប គឺមានចំនួន២១គ្រឿង។

សូមបញ្ជាក់ថា ម្ចាស់ផ្ទះជប៉ុន មានកីឡាករ-កីឡាការិនីចូលរួមប្រកួតសរុប៥៥២នាក់។ អាមេរិកបញ្ជូនកីឡាករ កីឡាការិនី ចូលរួមប្រកួត ៦១៣ នាក់។ រីឯប្រទេសអូស្ត្រាលីបញ្ជូនអត្តពលិកមក ៤៧៨នាក់និងចិន៤០៦នាក់។

ការប្រកួតប្រជែងមេដាយកំពុង ត្រូវបានធ្វើឡើងយ៉ាងស្វិតស្វាញជារៀងរាល់ថ្ងៃ ដោយពុំទាន់មានប្រភេទកីឡាណាមួយបានបញ្ចប់នៅឡើយទេ ក្នុងចំណោម៣៣ប្រភេទកីឡា ចែកចេញជា ៣៣៩វិញ្ញាសា ដែលមានអត្តពលិកសរុប ១១. ៣២៦នាក់ មកពី ២០៥ប្រទេសចូលរួមនៅ Tokyo Olympics 2020 លើកទី៣២។ ដោយឡែក កម្ពុជាបានបញ្ជូនទៅអត្តពលិករបស់ខ្លួន ៣នាក់ផងដែរ លើ ២ប្រភេទកីឡា គឺប្រភេទកីឡាហែលទឹក និងអត្តពលកម្ម ដែលកំពុងបង្កើនការហ្វឹកហាត់ជាមួយអត្តពលិកចម្រុះជាតិសាសន៍ ដើម្បីត្រៀមចូលរួមប្រកួត នាថ្ងៃទី៣០ និងថ្ងៃទី៣១ ខែកក្កដា ឆ្នាំ២០២១៕

អត្ថបទ៖ វិសិទ្ធ