កីឡា
ប៉ែន សុគង់ មិនបានវិលត្រឡប់មកកម្ពុជាវិញទេ ដោយហេតុផលមួយនេះ
គណៈប្រតិភូគ្រូបង្វឹក កីឡាករ កីឡាការិនី និងថ្នាក់ដឹកនាំគណៈកម្មាធិការជាតិអូឡាំពិកកម្ពុជា ដែលទៅចូលរួមប្រកួតកីឡាអូឡាំពិកតូក្យូ២០២០ បានធ្វើមាតុភូមិនិវត្តន៍មកដល់ប្រទេសកម្ពុជាវិញហើយ កាលពីយប់ថ្ងៃទី០២សីហា២០២១យប់មិញនេះ បន្ទាប់ពីបញ្ចប់ការប្រកួតកីឡាអូឡាំពិកនៅទីក្រុងតូក្យូនោះ។
ប៉ុន្តែកីឡាករអត្តពលកម្មកម្ពុជា ប៉ែន សុគង់ មិនបានវិលត្រឡប់មកកម្ពុជាវិញឡើយ ដោយគេត្រូវបន្តហ្វឹកហាត់នៅប្រទេសជប៉ុនរយៈពេល៨ខែ ដើម្បីត្រៀមការប្រកួតកីឡាស៊ីហ្គេមលើកទី៣១ នៅប្រទេសវៀតណាម ដែលបានអូសបន្លាយរហូតដល់ពាក់កណ្ដាលឆ្នាំ២០២២នោះ ។
ប៉ែន សុគង់ បានបញ្ជាក់ពីទីក្រុងតូក្យូតាមរយៈសារអេឡិចត្រូវនិកកាលពីយប់មិញថា រូបគេមិនទាន់បានវិលត្រឡប់មកមាតុភូមិកម្ពុជាជាមួយក្រុមប្រតិភូកីឡាករ កីឡាការិនីកម្ពុជា ដែលដឹកនាំដោយលោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា និងជានាយបេសកកម្មអូឡាំពិកហ្គេមលើកនេះទេ ដោយខ្លួនត្រូវបន្តការហ្វឹកហាត់នៅជប៉ុនរយៈពេល៨ខែបន្ថែមទៀត។
បន្ទាប់ពីធ្វើមិនបានល្អនៅក្នុងការប្រកួតកីឡាអូឡាំពិកនោះ ប៉ែន សុគង់ បង្ហាញនូវការប្តេជ្ញាចិត្តខ្ពស់ក្នុងការខិតខំហ្វឹកហាត់បង្កើន គុណភាពបច្ចេកទេសឲ្យកាន់តែល្អប្រសើរ ដើម្បីចូលរួមប្រកួតប្រជែង ក្នុងស៊ីហ្គេម នៅវៀតណាម ក៏ដូចជាត្រៀមឆ្ពោះទៅស៊ីហ្គេម លើកទី៣២ ឆ្នាំ២០២៣ ដែលព្រះរាជាណាចក្រកម្ពុជាទទួលធ្វើម្ចាស់ផ្ទះផងដែរ។
សូមបញ្ជាក់ថា ប៉ែន សុគង់ បានប្រកួតអត្តពលកម្មលើវិញ្ញាសារត់ល្បឿន ១០០ម៉ែត្រ ដោយធ្វើបានក្នុងថិរវេលា១១វិនាទី០២ និងបញ្ចប់ត្រឹមចំណាត់ថ្នាក់លេខ៦ក្នុងស៊េរី ក្នុងចំណោមកីឡាករ៩នាក់ នៅពហុកីឡដ្ឋានOlympic Stadium កាលពីព្រឹកថ្ងៃទី៣១ខែកក្កដាឆ្នាំ២០២១។ ប៉ែន សុគង់ មិនអាចបំបែកកំណត់ត្រាចាស់របស់ខ្លួនបានឡើយនៅក្នុងព្រឹត្តិការណ៍កីឡាអូឡាំពិក ដែលជាការប្រកួតកម្រិតបច្ចេកទេសខ្ពស់បំផុត របស់ពិភពលោករៀងរាល់៤ឆ្នាំម្តងមួយនេះ។ កាលពីស៊ីហ្គេម ឆ្នាំ២០១៩ នៅប្រទេសហ្វីលីពីន ប៉ែន សុគង់ ធ្លាប់ធ្វើសម្រេចក្នុងថិរវេលា ១០វិនាទី៨៧។
ប៉ែន សុគង់ ការហ្វឹកហាត់បន្តនៅជប៉ុននេះ គឺសហព័ន្ធខ្មែរអត្តពលកម្មស្ម័គ្រចិត្តសហការជាមួយក្លិបកីឡាអត្តពលកម្ម YUMEOMIRAI ស្ថិតនៅទីក្រុង Kanagawa ដែលរាល់ការចំណាយលើការហូបចុក-ស្នាក់នៅ និងការធ្វើដំណើរ ក្នុងអម្លុងពេលហ្វឹកហាត់នេះ គឺជាបន្ទុករបស់ក្លិប YUMEOMI RAIផ្តាល់តែម្តង។ សម្រាប់ដំណើរការហ្វឹកហាត់បានចាប់ផ្តើមពីថ្ងៃទី១ ខែសីហា ឆ្នាំ២០២១នេះតទៅរហូតដល់ខែមេសាឆ្នាំ២០២២ មុនពេលដែលស៊ីហ្គេម លើកទី៣២ ឆ្នាំ២០២២ ដែលបានពន្យារពេលពីចុងឆ្នាំ២០២១ទៅធ្វើ នាចុងខែមេសាដល់ដើមខែឧសភាឆ្នាំ២០២២ខាងមុខ៕
អត្ថបទ៖ វិសិទ្ធ
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
បៃដិនប្រកាសផ្តល់ជំនួយយោធាតម្លៃ៨ពាន់លានដុល្លារទៀតដល់អ៊ុយក្រែន មុនចាប់អាណត្តិ
អគ្គព្រះរាជអាជ្ញា ប្ដឹងឧទ្ធរណ៍លើការសម្រេចឱ្យបុរសបុកគេស្លាប់៤នាក់ ជាប់ពន្ធនាគារ៥ឆ្នាំ
កងទ័ពស៊ូដង់បើកការវាយលុកដ៏ធំដើម្បីដណ្តើមយករដ្ឋធានី Khartoum វិញ
សម្ដេច ហ៊ុន សែន ប្រាប់ជប៉ុនថា នៅអាស៊ាន កម្ពុជាបានយកចិត្តទុកដាក់លើស្ត្រីខ្លាំងជាងគេ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
Breaking News! អគ្គិភ័យឆាបឆេះឃ្លាំងស្តុកកង់ក្នុងតំបន់OCIC ប្រឈមខូចខាតទាំងស្រុង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ៩ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១២ ម៉ោង agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan