កីឡា

តេក្វាន់ដូ WT បើកការប្រកួត Online 2021 Korean Ambassador`s Cup Taekwondo Competition

បានផុស

៤ years មុន

នៅ

ថ្ងៃអង្គារ ៣ សីហា ២០២១

ដោយ

ខេមរសហព័ន្ធតេក្វាន់ដូ WT បានបើកការប្រកួតOnline 2021 Korean Ambassador`s Cup Taekwondo Competition នៅថ្ងៃទី៣ ខែសីហា ឆ្នាំ២០២១នេះ នៅភ្នំពេញ។ ខេមរសហព័ន្ធបានដាក់១២វិញ្ញាសាសម្រាប់ការប្រកួត ក្នុងនោះវិញ្ញាសាសម្តែងមេគុន១០វិញ្ញាសា និងប្រយុទ្ធបច្ចេកទេស២វិញ្ញាសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីមន្ត្រីខេមរសហព័ន្ធតេក្វាន់ដូWT ថា ព្រឹត្តិការណ៍ការប្រកួតកីឡាតេក្វាន់ដូ Online 2021 Korean Ambassador`s Cup Taekwondo Competition នេះ សម្រាប់វិញ្ញាសា សម្តែងមេគុន១០ រួមមានវិញ្ញាសាមេគុនឯកត្តជនបុរស-នារី អាយុក្រោម១៥ឆ្នាំ (ខ្សែក្រវាត់ខៀវ ) វិញ្ញាសាមេគុនឯកត្តជនបុរស-នារី អាយុ១៥ឆ្នាំឡើង (ខ្សែក្រវាត់ខៀវ ) វិញ្ញាសាមេគុនឯកត្តជនបុរស-នារី អាយុក្រោម១៥ឆ្នាំ (ខ្សែក្រវាត់ខ្មៅ១ដាន់ ) និងវិញ្ញាសាមេគុនឯកត្តជនបុរស-នារី អាយុ១៥ឆ្នាំឡើង (ខ្សែក្រវាត់ខ្មៅ១ដាន់ )។

ចំណែកវិញ្ញាសាមេគុនឯកត្តជនបុរស-នារី មិនគិតអាយុ(Open) (ចាប់ពីខ្សែក្រវាត់ខ្មៅ២ដាន់ឡើង)។ ប្រយុទ្ធបច្ចេកទេស២វិញ្ញាសា៖វិញ្ញសាបុរស-នារីមិនគិតអាយុ(Open) (ចាប់ពីខ្សែក្រវាត់ខ្មៅ២ដាន់ឡើង) (Speed Kicking រយៈពេល១នាទី ទាត់គ្រប់បច្ចេកទេសប្រកួត និងគិតចំនួន) ចំពោះកីឡាករ-កីឡាការិនីអាចចូលរួមប្រកួតបានតែមួយវិញ្ញាសាប៉ុណ្ណោះ។

គួរបញ្ជាក់ថា ការប្រកួតនេះ ទទួលបានការឯកភាពជាគោលការណ៍ ពីលោកបណ្ឌិតសភាចារ្យ ហង់ជូន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និង ប្រធានខេមរសហព័ន្ធតេក្វាន់ដូ WT៕

អត្ថបទ៖ វិសិទ្ធ