កីឡា

គ្រូចំបាប់ជនជាតិអ៊ីរ៉ង់នឹងចំណាយពេល១ឆ្នាំ ដើម្បីបង្វឹកហាត់ដល់ក្រុមជម្រើសជាតិកម្ពុជា

បានផុស

៤ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

លោកKomeil Ghasemiអតីតកីឡាករម្ចាស់មេដាយមាសអូឡាំពិក នឹងចំណាយរយៈពេលមួយឆ្នាំ ដើម្បីបង្ហាត់ដល់ក្រុមកីឡាចំបាប់ជម្រើសជាតិកម្ពុជា តាមរយៈគម្រោងអភិវឌ្ឍកីឡារបស់គណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមកដល់កម្ពុជា និង បានធ្វើចត្តាឡីស័កចំនួន១៤ថ្ងៃនោះ គ្រូបង្វឹកចំបាប់កីឡាជម្រើសជា តិកម្ពុជា ដែលជាជនជាតិអ៊ីរ៉ង់នោះ បានចាប់ផ្ដើមបង្វឹកដល់ក្រុមកីឡាចំបាប់ជម្រើសជាតិកម្ពុជាហើយ។

លោកKomeil Ghasemi គឺជាអតីតម្ចាស់ជយលាភីមេដាយមាសអូឡាំពិក ២០១២ នៅទីក្រុងឡុងដុងក្នុងប្រទេសអង់គ្លេសលោកប្រកួតក្នុងក្បាច់ចំបាប់សេរី(freesty lewrestling)លោកមានស្នាដៃច្រើនក្នុងវិស័យកីឡាចំបាប់អ៊ីរ៉ង់ ដោយធ្លាប់ឈ្នះមេដាយមាសអូឡាំពិក២០១២ ក្នុងប្រភេទទម្ងន់១២០គីឡូក្រាមមេដាយសំរឹទ្ធិក្នុងការប្រកួតកីឡាអូឡាំពិក ២០១៦នៅទីក្រុង រីយ៉ូ ប្រទេសប្រេស៊ីលក្នុងប្រភេទទម្ងន់១២៥គីឡូក្រាម មេដាយសំរឹទ្ធជើងឯកពិភពលោកឆ្នាំ២០១៤ នៅទីក្រុង Tashkent ក្នុងប្រភេទទម្ងន់១២៥គីឡូក្រាម។

សម្រាប់លំដាប់ទ្វីបអាស៊ីលោកធ្លាប់ទទួលបានមេដាយមាសជើងឯកអាស៊ីនៅទីក្រុងAstana កាលពីឆ្នាំ២០១៤ក្នុងប្រភេទទម្ងន់១២៥ គីឡូ ក្រាមមេដាយប្រាក់ អាស៊ីកាលពីឆ្នាំ២០១១ក្នុងនទីក្រុង Tashkent ក្នុងប្រភេទទម្ងន់១២០ គីឡូក្រាមមេដាយប្រាក់អាស៊ីក្នុងឆ្នាំ២០១៥នៅទីក្រុងដូហា ក្នុងប្រភេទទម្ងន់១២៥គីឡូក្រាម។ លោកមកធ្វើជាគ្រូបង្វឹកក្រុមជម្រើសជាតិកម្ពុជាត្រៀម សម្រាប់ព្រឹត្តិការណ៍ស៊ីហ្គេមលើកទី៣១ នៅវៀតណាម នៅឆ្នាំ២០២២ និងអាចបន្តដល់ជាគ្រូបង្វឹកជម្រើសជាតិកម្ពុជា ក្នុងព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើម្ចាស់ផ្ទះ នៅឆ្នាំ២០២៣៕

អត្ថបទ៖ វិសិទ្ធ

Related Topics:កីឡាចំបាប់