កីឡា

តេក្វាន់ដូITFកម្ពុជា រៀបចំការប្រកួតវិញ្ញាសាមេគុនតាមអនឡាញជាលើកដំបូង

បានផុស

៤ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

សហព័ន្ធកីឡាតេក្វាន់ដូITF កម្ពុជា បានរៀបចំការប្រកួតកីឡាតេក្វាន់ដូITF លើវិញ្ញាសាមេគុនបុរសនិងនារី តាមអនឡាញជាលើកដំបូង ដើម្បីស្ទាបស្ទង់សមត្ថភាពកីឡាករ-កីឡាការិនីរបស់ខ្លួន ដែលធ្វើការហ្វឹកហាត់កន្លងមក ក្នុងការប្រមូលផ្តុំបិទខ្ទប់សម័យ COVID-19។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) បានអញ្ជើញចូលរួមកម្មវិធីប្រកួតនេះ តាម ប្រព័ន្ធZOOMផងដែរ។

លោក ប៉ាល់ ជីវ័ន្ត គណៈកម្មការរៀបចំការប្រកួត បាននិយាយថា ទោះបីស្ថិតក្នុងអំឡុងពេលCOVID-19 កំពុងរាលដាល ក៏ការហ្វឹកហាត់របស់ក្រុមកីឡាSEA GAMES 2023 (តេក្វាន់-ដូITF ) នៅតែបានហ្វឹកហាត់បែបប្រមូលផ្តុំបិទខ្ទប់ និងបានធ្វើការប្រកួតប្រជែងតាមប្រពន្ធ័ ZOOM លើវិញ្ញាសាមេគុន ដោយចែកជាពីរ គឺបុរស និង នារី។

សម្រាប់ការប្រកួតមានកីឡាការិនី៧នាក់ និងកីឡាករ១៧នាក់ ដែលមកពីក្រុមជម្រើសជាតិ ក្រុមអត្តពលិកស៊ីហ្គេម និងក្រុមថ្នាល។

ជាលទ្ធផល ចំពោះផ្នែកបុរសចំណាត់ ថ្នាក់៖ មេដាយមាសបានលើកីឡាករ តាំង សៀសុង មេដាយប្រាក់បានលើកីឡាករ សុភក្ក្រ័ ចន្ទឧត្តម និងមេដាយសំរិទ្ធបានលើកីឡាករ កាង ប៊ុនឡុង និងកីឡាករ ឃឿន ប៊ុនលាង។