កីឡា

បំណងរបស់ប្រុសស្អាតជើងខ្លាំងមួយថៃ Tawanchai បានមកដល់ហើយពេលនេះ

បានផុស

៣ years មុន

នៅ

ថ្ងៃអង្គារ ១៧ សីហា ២០២១

ដោយ

Tawanchai PK.Saenchai Muaythaigym ដែលបានតាំងចិត្តតាំងពីយួរណាស់មកហើយថា ចង់ប៉ះជើង Sitthichai “Killer Kid” Sitsongpeenong នោះ គឺបានមកដល់ហើយនៅថ្ងៃទី ២៧ សីហា ខាងមុខនេះ។ ពួកគេទាំងពីរនឹងឡើងប៉ះគ្នានៅព្រឹត្តិការណ៍ ONE: BATTLEGROUND III នាកីឡដ្ឋាន Singapore Indoor Stadium នៃប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Tawanchai ធ្លាប់ផ្ដល់សម្ភាសន៍ក្ដែងៗកាលខែ ឧសភា កន្លងទៅថា «ខ្ញុំព្យាយាមហក់ចូល និងកងសាងកេរ្តិ៍ឈ្មោះជាជំហានៗ។ នៅថ្ងៃមុខ Sittichai Sitsongpeenong និង Superbon Banchamek គឺជាកីឡាករពីរនាក់ដែលខ្ញុំចង់ជួបប្រកួតជាមួយពួកគេក្នុងក្បាច់មួយថៃ ឬ ឃីកបុកសីង។ ប៉ុន្តែ ខ្ញុំគិតថា ខ្ញុំមិនទាន់ដល់កម្រិតពួកគេនៅឡើយទេ។ យ៉ាងណា ខ្ញុំចង់បានបទពិសោធន៍ជាមុនសិន។ ហើយបន្ទាប់មក វីរបុរសឃីកបុកសីង Giorgio Petrosyan គឺជាកីឡាករម្នាក់ទៀតដែលខ្ញុំចង់តតាំងនៅថ្ងៃណាមួយផងដែរ។ ប៉ុន្តែ ខ្ញុំត្រូវការប្រកួតមួយចំនួនជាមុនសិន»។

ចុងខែសីហា ខាងមុខនេះ បំណងរបស់ Tawanchai បានសម្រេចមួយហើយតាមរយៈការផ្គូផ្គងខាងលើ។ បើសិនជារូបគេទទួលជ័យជម្នះបន្តបន្ទាប់ នោះជើងខ្លាំងវ័យ ២២ ឆ្នាំនឹងអាចឈានទៅដណ្ដើមខ្សែក្រវាត់ឃីកបុកសីង ONE Featherweight ពី Petrosyan មិនខាន។

Tawanchai ធ្លាប់ឈ្នះតារាជួរមុខថៃមួយចំនួនដូចជា Kulabdam (ឈ្នះ ៣ដងជាប់គ្នា), និង ផ្ដួល Sangmanee ឲ្យសន្លប់ជាដើម។

គួរដឹងថា មុនចុះកិច្ចសន្យាប្រកួតឲ្យសង្វៀន ONE កូនសិស្សមកពីក្លិប PK.Saenchai Muaythaigym បានឈ្នះខ្សែក្រវាត់នៅសង្វៀនល្បីប្រចាំប្រទេសថៃ Lumpinee Stadium និង ឈ្នះពានជាកីឡាករល្អបំផុតប្រចាំសង្វៀនដដែលនេះនៅឆ្នាំនោះទេទៀតផង។

នេះជាការឡើងសង្វៀន ONE Championship លើកទី២ បន្ទាប់ពីផ្ដួល Sean Clancy នៅដើមទឹកទី៣ ដោយប្រើស្នៀតទាត់ចំក្បាល។ តើលទ្ធផលរបស់ Tawanchai ទៅជាយ៉ាងណាពេលជួប Sitthichai?៕