កីឡា

ONE ប្រកាសព្រឹត្តិការណ៍ថ្មីប្រជុំកំពូលជើងខ្លាំងឃីកបុកសីងលើលោក២០រូប

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

កំពូលអ្នកប្រដាល់ឃីកបុកសីងលំដាប់ពិភពលោក២០រូបមកពីជុំវិញពិភពលោកនឹងជួបជុំគ្នានៅលើសង្វើន ONE: FIRST STRIKE នាថ្ងៃសុក្រ ទី១៥ ខែតុលា ឆ្នាំ២០២១នេះ។

ក្នុងព្រឹត្តិការណ៍ជាប្រវត្តិសាស្ត្រមិនធ្លាប់មានដែលប្រជុំដោយអ្នកលេងកណ្តាប់ដៃ និងរន្ទះជើងសុទ្ធក្នុងមួយរាត្រី អ្នកគាំទ្រទូទាំងពិភពលោកនឹងឃើញការប្រកួតដណ្តើមខ្សែក្រវាត់ឃីកបុកសីងពិភពលោក ONE Featherweight នៅពេលម្ចាស់ខ្សែក្រវាត់ឃីកបុកសីងពិភពលោក ONE Featherweight Kickboxing World Grand Prix មកពីប្រទេសអ៊ីតាលី Giorgio Petrosyan ប្រឈមនឹងជើងខ្លាំងថៃ Superbon។

ក្រៅពីការប្រកួតដណ្តើមខ្សែក្រវាត់ខាងលើ ក៏មានការប្រកួតជើងឯកពិភពលោក និងជាពានរង្វាន់ ONE Featherweight Kickboxing World Grand Prix ប្រចាំឆ្នាំ២០២១ដែលប្រជុំដោយជើងខ្លាំងមកពីទូទាំងពិភពលោក៨រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រនឹងធ្វើជាសាក្សីក្នុងការប្រកួតវគ្គ១/៤ក្នុងព្រឹត្តិការណ៍នេះ ជើងខ្លាំងមកពីអាមេនី-ប៊ែលហ្សិក Marat Grigorian ជួបខ្លាកំណាចហុល្លង់ Andy Souwer ខណៈ Sitthichai ដែលជាបេក្ខភាពតែម្នាក់គត់មកពីប្រទេសថៃនឹងជួបជើងខ្លាំងតួកគីកាត់ហូល្លង់ Tayfun Ozcan។ ចំណែកជើងឯករង Grand Prix កាលពីឆ្នាំ២០១៩បារាំងកាត់អាល់ហ្សេរី Samy Sana ប៉ះខ្លាកំណាចបេឡារុស្ស Chingiz Allazov និងជើងខ្លាំងអាល្លឺម៉ង់ Enriko Kehl ជួបអ្នកប្រដាល់ហ្សកហ្ស៊ី Davit Kiria។

រាត្រីឃីកបុកសីងនេះ អ្នកគាំទ្រនឹងឃើញមនុស្សដែលរឹងដូចថ្មីកណ្តាប់ដៃរន្ទះរបស់ថៃ និង

ជើងឯកមួយថៃពិភពលោក Rodtang វិលត្រឡប់មកកាន់សង្វៀនឃីកបុកសីងដោយត្រូវជួបនឹងជើងខ្លាំងអេស្ប៉ាញ Daniel Puertas ដែលជាជើងឯកពិភពលោក ISKA ពីរស្ថាប័ន។

សមាសភាពគូប្រកួតប្រចាំព្រឹត្តិការណ៍ ONE: FIRST STRIKE

• ជើងឯក Giorgio Petrosyan ប៉ះ Superbon (ដណ្តើមខ្សែក្រវាត់ឃីកបុកសីង ONE Featherweight)

• មនុស្សដែក Rodtang ប៉ះ Daniel Puertas (ប្រកួតឃីកបុកសីង)

• ជើងខ្លាំង Marat Grigorian ប៉ះ Andy Souwer (វគ្គជម្រុះខ្សែក្រវាត់ពិភពលោក World Grand Prix ១/៤)

• ជើងខ្លាំង Sitthichai ប៉ះ Tayfun Ozcan (វគ្គជម្រុះខ្សែក្រវាត់ពិភពលោក World Grand Prix ១/៤)

• ជើងខ្លាំង Samy Sana ប៉ះ Chingiz Allazov (វគ្គជម្រុះខ្សែក្រវាត់ពិភពលោក World Grand Prix ១/៤)

• ជើងខ្លាំង Enriko Kehl ប៉ះ Davit Kiria (វគ្គជម្រុះខ្សែក្រវាត់ពិភពលោក World Grand Prix ១/៤)

• ជើងខ្លាំង Saemapetch ប៉ះ Tawanchai (ប្រកួតមួយថៃ)

• ជើងខ្លាំង Rade Opacic ប៉ះ Patrick Schmid (ប្រកួតឃីកបុកសីង)

• ជើងខ្លាំង Zhang Chunyu ប៉ះ Dovydas Rimkus (ប្រកួតឃីកបុកសីង)