ព័ត៌មានជាតិ

ថ្នាក់ដឹកនាំកីឡាវ៉ូវីណាម ចុះសួរសុខទុក្ខ និងផ្តល់សម្លៀកបំពាក់ដល់អត្តពលិក

បានផុស

៤ years មុន

នៅ

ថ្ងៃសៅរ៍ ២៨ វិច្ឆិកា ២០២០

ដោយ

លោក អ៊ូ រតនា អគ្គលេខាធិការ នៃសហព័ន្ធកីឡាវ៉ូវីណាមកម្ពុជា បានចុះសួរសុខទុក្ខ និងផ្តល់សំលៀកបំពាក់ដល់កីឡាករ-កីឡាការិនីកីឡាវ៉ូវីណាម ដែលកំពុងហ្វឹកហាត់តេស្ត ត្រៀមចូលរួមការប្រកួតកីឡាវ៉ូវីណាមជ្រើសរើសជើងឯកថ្នាក់ជាតិ ឆ្នាំ ២០២០ នៅមជ្ឈមណ្ឌជាតិហ្វឹកហ្វឺនកីឡា ក្នុងពហុកីឡដ្ឋានជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូ រតនា បានបញ្ជាក់ថា កីឡាករ-កីឡា ការិនីកីឡាវ៉ូវីណាម ធ្វើហ្វឹកហាត់ មានចំនួន ៤០នាក់ ក្នុងនោះក្រុមជម្រើសជាតិឈុតធំ ក្រុមជម្រើសជាតិថ្នាល និងក្រុមកីឡាបម្រុង ហើយពួកគេហ្វឹកហាត់ជារៀងរាល់ថ្ងៃ ដោយមានការប្រុងប្រយ័ត្នខ្ពស់ក្នុងការប្រយុទ្ធប្រឆាំងមេរោគ COVID-19។ លោកសង្កេតឃើញថា អត្តពលិកមានការរីកចម្រើនច្រើន ទាំងសមត្ថភាព បច្ចេកទេស ទោះបីក្រសួងអប់រំ យុវជន និងកីឡាផ្អាកហ្វឹកហាត់រយៈពេល១៤ថ្ងៃ បន្ទាប់ពីមេរោគ COVID-19បានឆ្លងជាលើកទី២នាថ្ងៃទី៣ វិច្ឆិកាកន្លងទៅក៏ដោយ។

លោកអគ្គលេខាធិការបន្តថា ទោះបីរីកចម្រើនច្រើនក៏ពិតមែន ប៉ុន្តែក្មុងការប្រកួតធ្វើតេស្ត គឺពួកគេនៅតែមានការខ្វះខាតចំណុចមួយចំនួនដោយលោកឃើញថា កីឡាករ-កីឡាការិនីកីឡាវ៉ូវីណាម ប្រកួតមិនអស់ពីសមត្ថភាពឡើយ ដូច្នេះលោកអំពាវនាវឲ្យពួកគេត្រូវបញ្ចេញអស់សមត្ថភាពដោយត្រូវគិតថា ការប្រកួតមិត្តភាព ឬធ្វើតេស្ត ប្រៀបដូចការប្រកួតពិតនៅទីលាន៕

អត្ថបទ ៖ វិសិទ្ធ