កីឡា

សហព័ន្ធបើកវគ្គបំពាក់បំប៉នអំពីវិធីសាស្ត្រការពារសាច់ដុំសម្រាប់ក្រុមអត្តពលិកហែលទឹកកម្រិតខ្ពស់

បានផុស

៤ years មុន

នៅ

ថ្ងៃសៅរ៍ ១១ កញ្ញា ២០២១

ដោយ

សហព័ន្ធកីឡាខ្មែរកីឡាហែលទឹកបានបើកវគ្គបណ្ដុះបណ្ដាលបំពាក់បំប៉នអំពីវិធីសាស្ត្រការពារសាច់ដុំ នៅពេលរងរបួសសាច់ដុំក្នុងអំឡុងពេលហ្វឹកហាត់ជូនដល់គ្រូបង្វឹក កីឡាករ-កីឡាការិនីហែលទឹក ជម្រើសជាតិតាមប្រព័ន្ធ Zoom នៅព្រឹកថ្ងៃទី ១១ ខែកញ្ញា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គនេះ ឧទ្ទេសនាមដោយគ្រូឧទ្ទេសជាជនជាតិជប៉ុនលោក Jun Yamada ដែលកំពុងសិក្សានៅសហរដ្ឋអាមេរិកកម្រិតអនុ បណ្ឌិត(Master of Athletic Training)។

លោក ហែម គីរី អគ្គលេខាធិការសហព័ន្ធកីឡាខ្មែរកីឡាហែលទឹកបានប្រាប់ឲ្យ ដឹងតាមអនឡាញថា សហព័ន្ធបានសហ ការជាមួយអង្គការអ្នកគ្រូជនជាតិជប៉ុននៅអង្គការចៃកាដែលជាគ្រូស្ម័គ្រចិត្តចុះមកបង្ហាត់នៅសហព័ន្ធ បន្ទាប់ពីបញ្ចប់ការងារហ្វឹកហាត់នៅខេត្តកំពង់ចាម។

សម្រាប់វគ្គបំប៉ននេះ ផ្តោតលើការថែទាំបញ្ហាសាច់ដុំរបស់កីឡាករ-កីឡាការិនីហែលទឹកកម្រិតខ្ពស់ ទី២ ការជៀសវាងពីការបង្ករបួសស្នាម ឬក៏បញ្ហាឈឺ នៅពេលហ្វឹកហាត់ និងទី៣នៅពេលកីឡាករ-កីឡា ការិនីហែលទឹកមានបញ្ហាសន្លាក់ សាច់ដុំបង្កឡើងការហ្វឹកហាត់ ធ្វើយ៉ាងម៉េចដើម្បីព្យាបាល និងការកាត់បន្ថយការឈឺរបស់អត្តពលិក។

លោកបន្តថា សហព័ន្ធបើកវគ្គនេះឡើងដោយសារចង់ឲ្យអត្តពលិកហែលទឹកទាំង អស់ យល់ដឹងរបៀបព្យាបាលពាក់ព័ន្ធនឹងសាច់ដុំ ចលនាឆ្អឹង និងចលនាលំហាត់ដែលជារបៀបព្យាបាល ដើម្បីបញ្ចៀសរាល់បញ្ហាសាច់ដុំរបស់កីឡាករ-កីឡាការិនីហែ លទឹកកើតឡើងអំឡុងពេលហ្វឹកហាត់៕

ដោយ ៖ វិសិទ្ធ