អត្តពលិកក្រសួងមហាផ្ទៃ ដណ្តើមមេដាយមាស៧គ្រឿង ពីការប្រកួតកីឡាតេក្វាន់ដូ ITF

ព្រឹត្តិការណ៍ការប្រកួតកីឡាតេក្វាន់ដូ “ITF”ជ្រើសរើសជើងឯកថ្នាក់ជាតិ២០២០ គ្រាន់តែនៅមួយថ្ងៃដំបូងប៉ុណ្ណោះ ក្រុមអត្តពលិកក្រសួងមហាផ្ទៃ ដណ្តើមមេដាយមាស បានរហូតដល់៧ គ្រឿង ឈរលើកំពូលតារាង ខណះដែល ក្រុមអត្តពលិកស.ស.យ.ក ខេត្តកំពង់ស្ពឺ ទទួលបានមេដាយ ចំនួន៤គ្រឿង គឺមាស ១ប្រាក់៣ ។

ចំណែកក្រុមអត្តពលិក ក្រសួងសេដ្ឋកិច្ច និងហិរញ្ញវត្ថុ ទទួលបានមេដាយ មាស១គ្រឿង មេដាយប្រាក់៣គ្រឿង និងសំរិទ្ធ១គ្រឿង និងក្រុមអត្តពលិកខេត្តប៉ៃលិន ទទួលបានមេដាយប្រាក់២គ្រឿង។

ចំពោះក្លិបសេរីភាពខេត្តកណ្តាល ទទួលបានមេដាយប្រាក់១គ្រឿង និងមេដាយសំរិទ្ធ១គ្រឿង អនុវិទ្យាល័យត្រពាំងសាលា និងក្លិបក្តីចាស់ ទទួលបានមេដាយប្រាក់១គ្រឿងដូចគ្នា ក្លិបញ៉ូវថោន ទទួលបានមេដាយសំរិទ្ធ២គ្រឿង៕

អត្ថបទ ៖ វិសិទ្ធ