កីឡា

ពីរប្រភេទទម្ងន់ប្រែប្រួលខ្លាំង ក្រោយ Christian Lee ចាញ់អស់ខ្សែក្រវាត់

បានផុស

៣ years មុន

នៅ

ថ្ងៃអង្គារ ១២ តុលា ២០២១

ដោយ

ជើងខ្លាំងវ័យក្មេង Christian Lee បានធ្លាក់ពីតំណែងជើងឯកពិភពលោកទម្ងន់ Lightweightនៅស្ថាប័ន ONE ខណៈកីឡាករកូរ៉េខាងត្បូង OK Rae Yoon បានឡើងកាន់អធិរាជសង្វៀនទម្ងន់នេះ។

បន្ទាប់ពីឈរតំណែងជាជើងឯក Lightweight ចាប់ពីឆ្នាំ២០១៩ ក្រោយពេលផ្តួលអ្នកលេងគុនចម្រុះជប៉ុន Shinya Aoki ក្នុងទឹកទី១ និងឡើងការពារបានជោគជ័យ២ដង ប៉ុន្តែបរាជ័យក្នុងការការពារខ្សែក្រវាត់ចុងក្រោយដែលរបូតខ្សែក្រវាត់ធ្លាក់ទៅដៃ Ok Rae Yoon ធ្វើឲ្យ Christian Lee ធ្លាក់មកចំណាត់ថ្នាក់លេខ១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ok Rae Yoon បានឡើងផុតកីឡាករកំពូលតារាងទាំង៥ និងក្លាយជាជើងឯកទម្ងន់ Lightweight បន្ទាប់ពីទទួលបានជ័យជម្នះ៣លើកជាប់គ្នា ជាពិសេសការឈ្នះ Christian Lee ក្នុងការប្រកួតដណ្តើមខ្សែក្រវាត់ចុងក្រោយផ្តល់ឲ្យរូបគេឡើងកាន់តំណែងស្តេចតែម្តង។

ចំណាត់ថ្នាក់លេខ២ក្នុងតារាង កាន់កាប់ដោយជើងខ្លាំងជប៉ុន Shinya Aoki ដោយឡើងចំណាត់ថ្នាក់បាន១លេខ ហើយជើងខ្លាំង Saygid Guseyn Arslanliev នៅតែឈរលេខ៣ក្នុងតារាង បើទោះជារូបគេធ្លាក់១លេខ។ ជាមួយគ្នានេះ កីឡាករ Iuri Lapicus និង Timofey Nastyukhin ស្ថិតនៅលេខ៤ និងលេខ៤ ដោយចំណាត់ថ្នាក់របស់ពួកគេគ្មានការប្រែប្រួលឡើយ។

និយាយពីទម្ងន់ Featherweight វិញ មានកីឡាករខ្លះពីទម្ងន់ខាងលើស្ថិតក្នុងចំណោមកីឡាករកំពូលតារាងទាំង៥ និងមានការប្រែប្រួលខ្លាំង។ ទម្ងន់នេះ ជើងខ្លាំង Thanh Le ជាជើងឯកពិភពលោក បន្ទាប់ពីបានផ្តួល Martin Nguyen ដើម្បីឈ្នះខ្សែក្រវាត់ពិភពលោក។

ជើងខ្លាំងកូរ៉េខាងត្បូង Kim Jae Woong បានឡើង៤លេខទៅឈរចំណាត់ថ្នាក់លេខ១ក្នុងទម្ងន់ Featherweight ក្រោយបានផ្តួលអ្នកលេងគុនចម្រុះវៀតណាម-អូស្ត្រាលី Martin Nguyen បន្តធ្លាក់មកចំណាត់ថ្នាក់លេខ២ ហើយកីឡាករ Garry Tonon ស្ថិតនៅចំណាត់ថ្នាក់លេខ៣ដោយគ្មានការធ្លាក់ឬឡើងលេខឡើយ។ Christian Lee បានធ្លាក់២លេខមកស្ថិតនៅចំណាត់ថ្នាក់លេខ៤ ហើយកីឡាករ Koyomi Matsushima ធ្លាក់១លេខស្ថិតនៅលេខ៥៕

ទម្ងន់ Featherweight៖ ជើងឯកពិភពលោក Thanh Le

• លេខ១៖ Kim Jae Woong (ឡើង៤លេខ)

• លេខ២៖ Martin Nguyen (ធ្លាក់១លេខ)

• លេខ៣៖ Garry Tonon (នៅដដែល)

• លេខ៤៖ Christian Lee (ធ្លាក់២លេខ)

• លេខ៥៖ Koyomi Matsushim (ធ្លាក់១លេខ)

ទម្ងន់ Lightweight៖ ជើងឯកពិភពលោក Ok Rae Yoon

• លេខ១៖ Christian Lee (ធ្លាក់ពីជើងឯក)

• លេខ២៖ Shinya Aoki (ឡើង១លេខ)

• លេខ៣៖ Saygid Arslanaviel (ធ្លាក់១លេខ)

• លេខ៤៖ Iuri Lapicus (នៅដដែល)

• លេខ៥៖ Timofey Nastyukhin (នៅដដែល)