កីឡា
សម្តេចតេជោ ហ៊ុន សែន ឧបត្ថម្ភ១០ម៉ឺនដុល្លារដល់ក្រុមបាល់ទាត់កម្ពុជាសម្រាប់ជ័យជម្នះលើកោះហ្គាំ
ក្រុមបាល់ទាត់ជម្រើសជាតិកម្ពុជាបានឡើងទៅជុំទី៣ដែលជាវគ្គជម្រុះចុងក្រោយ បន្ទាប់ពីបានយកឈ្នះកោះហ្គាំ ដោយលទ្ធផល ២-១ ក្នុងជើងទី២ (សរុបទាំងពីរជើងឈ្នះ ៣-១) ក្នុង វគ្គជម្រុះពានរង្វាន់ទ្វីបអាស៊ី AFC Asian Cup Qualification Play-off Round នៅប្រទេសបារ៉ែន។

យប់មិញនេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានសរសេរថា ៖«ខ្ញុំសូមអបអរសាទរចំពោះក្រុមបាល់ទាត់ជម្រើសជាតិកម្ពុជា ទទួលបានជ័យជំនះលើក្រុមកីឡាករក្រុមកោះហ្គាំរបស់អាមេរិក ក្នុងជំនួបជើងទី២ នៃវគ្គជម្រុះ Play-Off នៅកីឡដ្ឋាន Khalifa Sport City ប្រទេសបារ៉ែន និងសូមឧបត្ថម្ភដល់ក្រុមជម្រើសជាតិកម្ពុជា ដែលឈ្នះលើការប្រកួតនេះចំនួន១០០,០០០$ (ដប់ម៉ឺនដុល្លារអាមេរិក) ដើម្បីជាការលើកទឹកចិត្ត ហើយថវិកានេះសូមទទួលពី ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា។ ខ្ញុំសូមកោតសរសើរចំពោះលោក Honda ដែលបានដឹកនាំក្រុមកីឡាករជម្រើសជាតិកម្ពុជាទទួលបានជោគជ័យនេះ»។

ជាមួយគ្នានេះ ក្រុមបាល់ទាត់ជម្រើសជាតិកម្ពុជាទទួលបានប្រាក់លើកទឹកចំនួន ២៥០០០ដុល្លារពីលោកស្រី ទ្រី ដាណា ដែលបានសន្យាជួយឧបត្ថម្ភលើកទឹកចិត្ត ចំនួន ១០០០០ដុល្លារ និងរាល់១គ្រាប់ចំនួន ៥០០០ដុល្លារទៀរ ដូច្នេះកម្ពុជាប្រកួតទាំងពីរជើងស៊ុតចូលបាន៣គ្រាប់ ស្មើនឹង ១៥០០០ដុល្លារ។
សូមបញ្ជាក់ថា ការ ប្រកួតជើងទី២យប់មិញនេះ កម្ពុជាធ្វើមិនបានល្អទេនៅក្នុង៤៥នាទីដំបូង ដែលបណ្តាលឲ្យកោះហ្គាំស៊ុតចូលនាំមុខ១-០។ យ៉ាងណានៅវគ្គទី២ បន្ទាប់ពីដាក់ចូល កែវ សុខផេង ជំនួស ណារ៉ុង កក្កដា បានផ្តល់ឲ្យកម្ពុជាមានទម្រង់ប្រែប្រួលល្អវិញ។ គ្រាន់តែដើមវគ្គទី២ កម្ពុជារកបាន២គ្រាប់ ក្នុងនោះ សុះ សូហាណា ស៊ុតគ្រាប់បាល់តាមស្មើ ១-១ និងកែវ សុខផេង ស៊ុតគ្រាប់បាល់ជ័យជម្នះ ២-១៕

អានអត្ថបទពាក់ព័ន្ធបន្ថែម៖ អបអរសាទរ កម្ពុជា ឡើងវគ្គជម្រុះជុំចុងក្រោយ AFC Asian Cup 2023
អត្ថបទ៖ វីរបុត្រ

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?