កីឡា

២ រឿងដែលចាប់អារម្មណ៍បំផុតនៅថ្ងៃសុក្រនេះនៃសង្វៀន ONE: NEXTGEN II

បានផុស

៣ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

ONE: NEXTGEN II នឹងបង្ហាញគូប្រកួតគុនចម្រុះ, ឃីកបុកសីង, និងមួយថៃ ដែលនឹងផ្ដល់ភាពរីករាយដល់អ្នកគាំទ្រទូទាំងពិភពលោក។ អ្នកជំនាញផ្ដួលគូប្រកួតឲ្យសន្លប់ និងកីឡាករប្រយុទ្ធល្អៗ នឹងបង្ហាញខ្លួនឲ្យល្អបំផុតនាថ្ងៃសុក្រទី១២ ខែវិច្ឆិកានេះ។ ប៉ុន្តែ ២រឿងនេះនឹងល្អមើលនៅសង្វៀន ONE: NEXTGEN II ពីកីឡដ្ឋាន Singapore Indoor Stadium។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូបម្រុងឃីកបុកសីង Grand Prix ចំនួន ២ គូ

កម្មវិធី ONE Featherweight Kickboxing World Grand Prix គឺជាកម្មវិធីវិធីធំលំដាប់ពិភពលោក ហើយមានកីឡាករ ៤រូបនៅសង្វៀន ONE: NEXTGEN II ដែលអាចចូលជំនួសជើងខ្លាំងគ្រប់ពេល។

Smokin’ Jo Nattawut នឹងប៉ះ Yurik “Mee Khao Jomhot” Davtyan ខណៈដែល “Bamboo Sword” Zhang Chunyu នឹងជួប Dovydas “Rimkenzo” Rimkus ក្នុងកម្មវិធីបម្រុង Grand Prix ។ ជ័យជម្នះរបស់ពួកគេអាចនឹងចូលទៅវគ្គ ៨ នាក់ចុងក្រោយ បើសិនមាននរណាម្នាក់ដកខ្លួន។

អ្នកជំនាញកណ្ដាប់ដៃ Nattawut និង Davtyan នឹងមិនដើរថយក្រោយទេ ពេលពួកគេជួបគ្នា ហើយអ្នកគាំទ្រនឹងរំភើបរីករាយជាក់ជាមិនខាន។ ជាមួយគ្នានេះ Zhang មានបទពិសោធន៍ច្រើនលំដាប់ពិភពលោក ខណៈ Rimkus មានទំនុកចិត្តពេលជួបអ្នកមិនទាន់ចាញ់សោះ។ គូប្រកួតទាំងនេះ ពិតជាល្អមើល និងអាចមានឱកាសចូលប្រកួត World Grand Prix ។ ប៉ុន្តែ ការទទួលជ័យជម្នះនឹងធ្វើឲ្យកាន់តែមានន័យថែមទៀត។

គូឯកនៃការប្រកួតមួយថៃ

Saemapetch Fairtex និង Rittewada Petchyindee Academy នឹងជួបគ្នាក្នុងនាមជាគូឯកដើម្បីកក់កន្លែងឡើងទៅប្រកួតដណ្ដើមខ្សែក្រវាត់ ONE Bantamweight Muay Thai World Champion ពី Nong-O Gaiyanghadao នៅថ្ងៃខាងមុខ។

ក្នុងនាមកីឡាករលំដាប់លេខ១ក្នុងប្រភេទទម្ងន់ Saemapetch មានសកម្មភាពច្រើនបំផុតនៅសង្វៀន ONE Super Series និងធ្លាប់ឡើងទៅដណ្ដើមខ្សែក្រវាត់មាសម្ដង។ ចំណែក Rittewada គឺជាកីឡាករល្បីម្នាក់នៅសង្វៀនឯប្រទេសថៃ និង ដាក់ផែនការស្វែងរកជ័យជម្នះពេលបង្ហាញខ្លួនលើកដំបូងនៅសង្វៀន ONE។

កីឡាករមកពីក្លិប Fairtex ឈ្នះ ៣ ដង និង ផ្ដួលដៃគូឲ្យសន្លប់ ២ ដង តាំងពីចាញ់ Nong-O ហើយគេព្យាយាមឡើងការពារតំណែងកំពូលរបស់គេ។

យ៉ាងណាក្ដី Rittewada ធ្លាប់ឈ្នះជើងឯកជាងច្រើននៅសង្វៀនល្បីៗឯប្រទេសថៃ ខណៈដែល រូបគេកសាងកំណត់ត្រាល្អ គឺ ឈ្នះ ៩០ ដង ចាញ់ ២៥ ដង និងស្មើ ៥ ដងទល់នឹងកីឡាករសញ្ជាតិថៃ។ ឥឡូវនេះ គេកំពុងសម្លឹងឆ្ពោះទៅ រកខ្សែក្រវាត់នៅសង្វៀនលំដាប់ពិភពលោកមួយនេះ។ អ្នកទាំងពីរជាកីឡាករកម្រិតកំពូល ហើយ ម្នាក់ៗត្រូវតែប្រឹងប្រែងឲ្យអស់សមត្ថភាពដើម្បីជ័យជម្នះរបស់ខ្លួន៕

Related Topics:កីឡាប្រដាល់